Johan 17:13 - Tedim Bible

¹³ Tu-in nangma kiangah a hong paita ding ka hih manin keimah bangin amaute in lungdamna cingtaak a neihtheih nadingun leitungah ka om lai-in hih thute a gen ka hi hi.

Tedim Bible Revision 2017

¹³ Tu-in nangma kiangah a hong pai ta ding ka hih manin keimah bangin amaute in lungdamna cingtaak a neih theih nadingun leitungah ka om lai-in hih thute a gen ka hi hi.

Johan 17:13 Referans Kwoze

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Johan 15:11

Note hangin kei ka lungdam theih nading le note’ lungdamna a cingtaak a suahtheih nadingin hih thute a hong gen ka hi hi.

Johan 3:29

Mo pen zinei ding tangvalpa a’ ding bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicingta hi.

1 JOHAN MASA 1:4

Kote’ lungdamna a cingtaak theih nadingin hih lai a hong gelh ka hi uh hi.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

2 JOHAN NIHNA 1:12

Gen ding tampi ka neihlai hangin lai-in hong gelh lo zaw-in, eite’ lungdamna a kicinzawk theih nadingin kei hong pai-in khatlekhat maitang kimu-in thu genkhawm dingin ka kingaihsun hi.

ROM (Romans) 14:17

Bang hang hiam cih leh Pasian’ Ukna pen nekledawn tawh a kisai thu hi lo a, Kha Siangtho hangin i ngah Pasian’ deih bangin gamtatna, kilemna, lungdamna, cihte hizaw hi.

Johan 16:33

Keimah tawh na hong kipawlna uh hangin lungnopna na neihtheihna dingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Late 126:5

Khitui tawh khai a tuhte lungdamin kikona tawh an la sak ta in.

Late 43:4

Tua ciangin na biakna tau-ah ahi a, ka lung a hong damsak Pasian kiangah ahi zongin ka pai ding a, laiza khausai lasakna tawh nang ka hong phat ding hi, aw Pasian, ka Pasian aw.

Nehemiah 8:10

Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa a dingin tuni pen biakna ni siangtho ni ahi hi; dah kei un, bang hang hiam cih leh Topa’ hong piak lungdamna in note hong thahatsak ding hi,” a ci hi.

Sawltak 13:52

Antiok khua-a om thu um mite ahihleh Kha Siangtho tawh kidimin lungdam mahmahin a om uh hi.

Johan 7:33

Jesuh in tua mite kiangah, “Note lakah tawlkhat ka om lai ding a, tua ciangin kei hong sawl pa kiangah ka pai ding hi.

Johan 17:11

Tu-in nangma kiangah kei a hong paita ding ka hih manin leitungah ka om nawn kei ding a, ahi zongin amaute a omlai ding uh ahi hi. Tua ahih manin a Siangtho ka Pa aw, nang le kei pumkhat ihih mah bangin amaute zong pumkhat ahih nadingun na vangliatna tawh hoihtakin na kem in.