Johan 16:28 - Tedim Bible

²⁸ Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Tedim Bible Revision 2017

²⁸ Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 16:28 Referans Kwoze

Johan 13:1

Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

Johan 8:14

Jesuh in, “Kei le kei a kigentawm ka hih hangin ka thugente a man mah hi veve hi. Bang hang hiam cih leh koi panin hong pai-in koi lai-ah pai ding cih ka kithei a, note in kei ka hong paikhiatna le ka pai nading a thei lo na hizaw uh hi.

Johan 16:5

Tu-in ahihleh kei hong sawl pa kiangah a ciahkik ding ka hi hi. Tua hinapi-in, ‘Koi-ah pai ding na hi hiam?’ ci-in kuamah in na hong dong kei uh hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 16:16

“Tawlkhat khit ciangin na hong mu nawn kei ding uh a, tawlkhat khit ciangin na hong mukik ding uh hi,” a cih ciangin,

Johan 14:28

‘Ka va paikhia ding a, ahi zongin note kiangah ka hong paikik ding hi,’ ka cihna thu na za khin uh hi. Kei sangin a lianzaw Pa Pasian kiangah a va pai ding ka hih manin kei na hong it nak-uhleh ama kiangah ka paina hangin na nuamzaw ding uh hi.

Luka 24:51

Amaute thupha a piak laitakin amaute kiang panin paikhia-in vantungah amah a kilato hi.

Johan 17:13

Tu-in nangma kiangah a hong paita ding ka hih manin keimah bangin amaute in lungdamna cingtaak a neihtheih nadingun leitungah ka om lai-in hih thute a gen ka hi hi.

Johan 17:11

Tu-in nangma kiangah kei a hong paita ding ka hih manin leitungah ka om nawn kei ding a, ahi zongin amaute a omlai ding uh ahi hi. Tua ahih manin a Siangtho ka Pa aw, nang le kei pumkhat ihih mah bangin amaute zong pumkhat ahih nadingun na vangliatna tawh hoihtakin na kem in.

Luka 9:51

Jesuh vantungah a kilaktoh ding hun a nai kuan ciangin Jerusalem khua manawh dingin a ngaihsun hi. Ama mai-ah nungzui pawlkhat mapaisak a,

Johan 8:42

Jesuh in, “Kei pen Pasian kiang panin hong pai-in hih lai-ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong paitawm ka hi kei a, ama hong sawl ka hi hi.

Johan 16:10

Pa kiangah pai ding ka hih manin kei na hong mu nawn kei ding uh hi, ka cihna thu a manna lak ding a,

Johan 16:30

Tu-in na khempeuh na theihkhitna thu ka phawk uh a, ka theihnop uh thute kote in ka hong dot ding uh zong kisam nawn lo ahih manin Pa kiang panin a hong pai na hihna thu ka hong um uh hi,” a ci uh hi.