Johan 16:27 - Tedim Bible

²⁷ Bang hang hiam cih leh note in kei hong itin, Pa kiang panin a hong pai ka hihna thu um na hih manun Pa mahmah in note hong it ahihna hang ahi hi.

Tedim Bible Revision 2017

²⁷ Bang hang hiam cih leh note in kei hong itin, Pa kiang panin a hong pai ka hihna thu um na hih manun Pa mahmah in note hong it ahihna hang ahi hi.

Johan 16:27 Referans Kwoze

Johan 14:21

Keima thupiakte sangin a zuite in keimah hong it ahi uh hi. Kei hong it mite pen ka Pa in zong it ding a, keimah in zong itin amaute tungah ka kilang ding hi,” a ci hi.

Johan 14:23

Jesuh in, “Kei hong itte in ka thu zui ding uh hi. Ka Pa in zong it ding a, ka nihun tua mite kiangah pai-in amaute tawh ka omkhawm ding uh hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pumkhat a suah taktak theih nadingun amaute lakah kei ka om a, kei tawh nang na hong omkhawm hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kama genzawh loh zah dongin nakpitakin na lungdam uh hi.

1 KORIN MASA 16:22

Topa a it lo mi peuhmah in samsiatna ngah tahen. I Topa hong pai tahen.

Johan 8:42

Jesuh in, “Kei pen Pasian kiang panin hong pai-in hih lai-ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong paitawm ka hi kei a, ama hong sawl ka hi hi.

1 JOHAN MASA 4:19

Pasian in eite hong it masa ahih manin eite in itna i nei thei hi.

2 KORIN NIHNA 5:14

Mi khempeuh a dingin mi khat si khin ahih manin mi khempeuh zong a ngeina lui uhah si khinta hi, ci-in ka theihna hangun tua Khrih’ itna in kote’ nuntakna hong uk hi.

Johan 16:30

Tu-in na khempeuh na theihkhitna thu ka phawk uh a, ka theihnop uh thute kote in ka hong dot ding uh zong kisam nawn lo ahih manin Pa kiang panin a hong pai na hihna thu ka hong um uh hi,” a ci uh hi.

Mattiu 10:37

“Kei sangin a nu a pa a itzawte kei tawh kilawm lo a, kei sangin a tapa a tanu a itzawte kei tawh kilawm lo hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.

Mangmuhna 3:9

Jew mi hi lo napi-in Jew mi hi ung, ci-in zuau a gen Satan’ pawlte, note’ mai-ah hong paisakin na khephung uhah ka boksak ding a, note ka hong itna thu amaute ka theisak ding hi.

Efesa 6:24

Tatsat loin i Topa Jesuh Khrih a it tawntung mi khempeuh tungah hehpihna thupha hong tung tahen.

Zefaniah 3:17

Topa na Pasian un note hong ompih a, ama vangliatna in hong gualzosak hi. Note tungah Topa lungkim ding a, ama hong itna tawh hong thakbawl ding hi. Note’ hangin Topa lungdamin la sa ding a,

Hebru 12:6

Bang hang hiam cih leh Topa in a it mite thuhilh a, ta taktakin a ngaihsut mite a taii hi,” hong ci hi.

1 TIMOTI MASA 1:15

Khrih Jesuh, mawhneite a honkhia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

Galati 4:4

Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

1 KORIN MASA 15:47

A masa Adam pen leitung leivui tawh a kibawl hi a, a nunung Adam pen vantung panin a hong pai ahi hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.

Johan 7:29

Ahi zongin amah in kei hong sawlin, ama kiang panin a hong pai ka hih manin ke’n ka thei hi,” a ci hi.

Johan 3:13

Vantung panin a hong paisuk Mihing Tapa keimah simloh vantungah a paito ding kuamah om lo hi,” a ci hi.

Johan 2:11

Jesuh in nalamdang a bawl masak pen Galilee gam Kana khua-ah hih bangin Pasian’ pianzia a neihna kilangsak a, a nungzuite in zong amah a um uh hi.