Johan 16:13 - Tedim Bible

¹³ Tua ahih manin thuman hong lak ding Kha Siangtho hong tun ciangin thu khempeuh a manin hong hilh ding hi. Ama ngaihsuttawm thu hong gen ding hi lo a, ama tungah a kigen thute le a hong tung ding thute a hong gen ding ahi hi.

Tedim Bible Revision 2017

¹³ Tua ahih manin thuman hong lak ding Kha Siangtho hong tun ciangin thu khempeuh a manin hong hilh ding hi. Ama ngaihsut tawm thu hong gen ding hi lo a, ama tungah a kigen thute le a hong tung ding thute a hong gen ding ahi hi.

Johan 16:13 Referans Kwoze

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Johan 14:17

Leitung mite in tua Kha Siangtho mu thei lo, theithei lo uh ahih manin sang thei lo ding uh hi. Ahi zongin note sungah tua Kha Siangtho hong om ding ahih manin note in na thei ding uh hi.

Johan 15:26

“Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

1 JOHAN MASA 2:27

Khrih in note tungah ama Kha Siangtho hong piakhin a, tua Kha Siangtho na neih laiteng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuauthu khat zong om lo hi. Tua ahih manin Kha Siangtho’ hilhnate zui unla, Khrih sungah kiptakin om un.

1 JOHAN MASA 2:20

Ahi zongin Khrih in note tungah Kha Siangtho hong piakhin ahih manin note khempeuh in a man na thei uh hi.

Johan 12:49

Bang hang hiam cih leh keima utthu tawh thu a mawkgen ka hi kei a, kei hong sawl Pa Pasian in ka gen ding thuteng a hong piak ahi hi.

1 JOHAN MASA 4:6

Ahi zongin note pen Pasian’ mite na hi uh hi. Pasian a thei mi peuhmah in kote’ thugen hong ngai uh a, Pasian’ pawl ahi lo mi peuhmah in kote’ thugen hong ngai lo uh hi. Tua ahih manin hih bangin thuman Kha le zuau kha a kilamdanna i theithei hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Mangmuhna 1:19

Tua ahih ciangin tu-a na muh, tu laitakin a om thute le tu nung ciangin a hong piang ding thute, lai sungah gelh in.

Johan 8:38

Tua ahih manin keimah in ahihleh ka Pa’ hong lahsa thute bek a gen ka hi a, ahi zongin note ahihleh na pa uh hong sawl bangin a gamta na hi uh hi,” a ci hi.

2 THESALONIKA NIHNA 2:3

Ahi zongin kuama khemsa-in ta kei un. Bang hang hiam cih leh nakpitakin Pasian langpanna lianpi le hell khuksung a tung ding ahi A Gilopa hong kilat matengin tua Ni hong tung lo ding hi.

Mangmuhna 1:1

Hih laibu pen a piang baih ding thute, Pasian’ nasemte tungah a lah dingin Pasian in Jesuh tungah a thu pia a, Jesuh in maang sungah a lah thute ahi hi. Khrih in ama vantungmi sawl a, a nasempa Johan kiangah hih thute a kilangsak hi.

2 THESALONIKA NIHNA 2:12

Tua ahih manin thuman um loin, mawhna sungah nuam a sa khempeuh in mawhsak thukhenna thuak ding uh hi.

Sawltak 27:24

‘Paul aw, lunghimawh kei in. Gam uk kumpipa mai-ah na ding ding a, Pasian in nang hong hehpih ahih manin nang le na khualzinpihte khempeuh na suakta ding uh hi,’ hong ci hi.

Joel 2:28

“Tua khit ciangin mi khempeuh tungah ka kha ka sung ding a, na puteekte un mang manin na tangvalte un maang mu ding uh hi.

Sawltak 20:23

Thongkiatna le gimna ka thuak nading thu bekbek, ka omna khua khempeuhah Kha Siangtho in hong gen tawntung hi.

Johan 3:32

Amah in a muhsa leh a zaksa thu a gen hinapi-in kuamah in ama thugen um lo uh hi.

Sawltak 11:28

Amaute sung panin Agabas a kici kamsangpa hong ding a, leitung khempeuhah kialpi hong tung ding hi, ci-in Kha Siangtho sawlna tawh a genkhol hi. (Tua kialpi pen Klaudias in Gam uk Kumpi a sep laitakin a tung hi.)

Isaiah 11:2

Topa’ kha in ama tungah ama mite a ukna ding pilna, thutheihna, le siamna pia ding hi. Amah in Topa’ deihna thei-in Topa zahtak ding hi.

Johan 16:12

“Ka hong gen ding tampi tak omlai hi; ahi zongin hong gen lai leng note a dingin tamlua ding hi.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khen khenin thu na gen ngeizo hi.

1 JOHAN MASA 5:6

Hih Jesuh Khrih pen tui tawh kiphumna le a sisan luangin sihna tawh a hong pai hi a, tui bek tawh a hong pai hi loin tui le sisan tawh a hong pai ahi hi. Kha mahmah in hih thu a manna teci a pang hi. Kha pen thuman gen ahi hi.