Johan 16:10 - Tedim Bible

¹⁰ Pa kiangah pai ding ka hih manin kei na hong mu nawn kei ding uh hi, ka cihna thu a manna lak ding a,

Tedim Bible Revision 2017

¹⁰ Pa kiangah pai ding ka hih manin kei na hong mu nawn kei ding uh hi, ka cihna thu a manna lak dinga,

Johan 16:10 Referans Kwoze

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

Sawltak 3:14

Amah mi hoih mi siangtho hinapi-in, amah na nial zawsop uh a, mi that khat a khahkhiat nadingin Pilat kiangah na ngen uh hi.

Galati 5:5

Kote ahihleh Pasian in amah tawh a kipawlthei dingin hong bawl ding hi, ci-in lamenin, kote’ upna hangin Kha Siangtho’ vangliatna tawh hong piang ding hi, ci-in a om ka hi uh hi.

ROM (Romans) 1:17

Lai Siangtho sungah, “Pasian a upna hangin amah tawh pawlkhat ahi mite nungta ding hi,” ci-in a kigelh mah bangin Pasian in amah tawh a kipawl theih nadingin mite a bawlna zia, lungdamna thu in hong kilangsak hi. Tua pen, a patna panin a tawp dongin upna hang bek tawh ahihna thu hong laktel hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

Sawltak 7:52

I pu i pate in kamsang a bawlsiat loh khat beek om lo hi. Pasian’ deihna bangin a gamta a Nasempa a hong pai nading thu a genkhol Pasian’ kamtaite na that uh a, tu-in note in tua nasempa lehhekin na that leuleu uh hi.

Sawltak 2:32

Pasian in sihna panin hih Jesuh hingkiksak a, kote khempeuh pen hih thu a thei teci vive ka hi uh hi.

Johan 5:32

Tua ahih manin keima a’ ding teci a pang ding mi khat om a, keima thu genin teci a panna thuman hi, ci-in ka thei hi.

Johan 3:14

Moses in gamlak khuam tungah sumngo gul a khai mah bangin Mihing Tapa zong hong kikhai ding a,

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawmsagih mun sagih sung a kisehzo hi. Tua ciangin mawhna kimaisak ding a, a tawntung thutang thu a hong tung ding hi. Genkholhna le maangmuhna thu a mantakin hong tangtung ding a, a Siangtho Pen Mun biakinnpi kisiansuah ding hi.

Isaiah 42:21

Topa pen a honkhia nuam mahmah Pasian hi a, ama thuhilhnate limtakin a kizuih ding a deih hi.

Johan 7:33

Jesuh in tua mite kiangah, “Note lakah tawlkhat ka om lai ding a, tua ciangin kei hong sawl pa kiangah ka pai ding hi.

Johan 16:5

Tu-in ahihleh kei hong sawl pa kiangah a ciahkik ding ka hi hi. Tua hinapi-in, ‘Koi-ah pai ding na hi hiam?’ ci-in kuamah in na hong dong kei uh hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.