Johan 15:8 - Tedim Bible

⁸ Gah tampi gah le-uhcin ka Pa’ minthanna a kilangsak na hi ding uh a, keima nungzui na hihna uh kilang ding hi.

Tedim Bible Revision 2017

⁸ Gah tampi gah le-uhcin ka Paʼ minthanna a kilangsak na hi ding uh a, keima nungzui na hihna uh kilang ding hi.

Johan 15:8 Referans Kwoze

Johan 8:31

Tua ahih manin amah a um Jew mite kiangah Jesuh in, “Ka thuhilhnate na zuih paisuak nak-uhleh ka nungzui taktakte na hi ding uh hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai-ah na gamtat hoihna uh khuavak bangin na kilangsak un.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

Johan 15:5

“Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi.

1 PETER MASA 4:11

Minthanna le vangliatna a nei tawntung Pasian in Jesuh Khrih hangin thu khempeuhah phatna a ngah theih nadingin thuhilhte in Pasian’ thu na hilh unla, na a semte in Pasian’ piak thahatna tawh na sem un. Amen.

Johan 13:35

Note khatlekhat ki-it le-uhcin keima nungzuite na hihna uh mi khempeuh in hong thei ding uh hi,” a ci hi.

Isaiah 60:21

Na mihingte khempeuh thuman ding uh hi. Keima min a than nadingin keima suansa kung, ka khut tawh ka sepsa gam pen amaute in nei paisuak ding uh hi.

1 KORIN MASA 10:31

Tua ahih manin keimah in ka hong gennop thu in: Na hihna khempeuh uh, nekna dawnna-ah ahi zongin Pasian’ minthan nadingin na hih un.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion-ah a om a dah mite a lungdamna ding, a lungkham mite in phatna la a saktheihna ding, a lunggim mite in Pasian a phattheih nadingin amah in kei hong sawlzo hi.

1 KORIN MASA 6:20

Note pen Pasian in a hong leisa na hih manun na pumpi uh Pasian’ minthan nadingin na zang un.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian ding a, a Lianpen Pasian’ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Haggai 1:8

Tu-in mualtungah kuanto unla, sing sui un. Tua singte tawh biakinn lamkik le-uhcin kei ka lungkim ding a, nong biak ding uha kilawm bangin kei nong bia thei ding uh hi.

1 PETER MASA 2:12

Gentail mite in note mi hoih lo hi, ci-in hong gensia nuamin mawhna hong zon ciangin, note’ hoihna bekbek mu-in, Pasian a hong pai Ni ciangin a phattheih nadingun amaute lakah na gamtatna uh hoihsak tawntung un.

Titu 2:10

a guktak loh nading, a tawntungin hoih gamtatin a cihtakna uh a kilatsak nadingun na hanthawn in. Tua hileh eite hong Hon Pasian’ thu a hoihna a kilangsakte ahi ding uh ahi hi.

Titu 2:5

thu ngaihsun thei, a gamtat siangtho, inn nasep a kizen, a migi, le a pasalte uh thu a mang thei mi ahih nadingun na gen in.

Mattiu 5:44

Ahi zongin ke’n note kiangah kong genin-ah: Na galte uh na it unla, no hong bawlsiate a dingin thu na ngetsak un.

Mattiu 9:8

Mihonte in hih thu a theih uh ciangin lau mahmah uh a, Pasian in mihingte tungah hih bang vangliatna a piakna hangin ama min a phat uh hi.