Johan 15:5 - Tedim Bible

⁵ “Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi.

Tedim Bible Revision 2017

⁵ “Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi.

Johan 15:5 Referans Kwoze

Filippi 4:13

Khrih in a hong piak vangliatna tawh hihte khempeuh nawkzawh nading thahatna a nei ka hi hi.

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Paunak 11:30

Midikte a khansau a, migilote khansih hi.

2 KORIN NIHNA 13:8

Bang hang hiam cih leh kote pen thuman nasepna a khaktan thei dingte hi loin a khan nadingin nasemte ka hi uh hi.

Johan 5:19

Tua ahih manin Jesuh in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muhteng bek a sem ahi hi. Tua hi a, a Pa in a septeng mah a Tapa in zong a sem ahi hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.

Johan 12:24

A mantakin ci lehang, mangbuhhum tang khat leilakah kituhin si masa kei leh tang khat bek mah hi ngitnget hi; ahi zongin si masa leh tang tampi tak hong nei thei hi.

ROM (Romans) 7:4

Sanggamte aw, note zong tua mah tawh a kibang na hi uh hi. Khrih tawh pumkhat na hihna uh hangin thukham tawh kisai thu-ah a sikhin na hi uh a, Pasian’ nasepna-ah eite a man nei i suahtheih nadingin sihna panin a kithokiksak Khrih tawh nupa na hi uh hi.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

Johan 9:33

Tua ahih manin Pasian kiang panin hong pai hikeileh hih bang hih thei lo ding hi,” ci-in a dawng hi.

Filippi 4:17

Note tung panin na tampi ka ngahnop man hi lo a, note’ hamphatna a kibehlap nading ka deihna hizaw hi.

ROM (Romans) 6:22

Ahi zongin tu-in mawhna bawlnopna panin suakta-in Pasian’ khutsung mi na hita uh hi. Tua thu hangin na ngah uh na pen Pasian a dingin a kipia khin nuntakna hi a, a tawntung nuntakna tawh a kizom ahi hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngahtheih nadingin leitung khempeuhah Pasian in hong piak min dang khat zong om lo hi,” ci-in a gen hi.

1 KORIN MASA 12:12

Pumpi pen khat bek hinapi-in na a tuamtuam a nei hi. Pumpi in na a tuamtuam tampi a neih hangin pumpi khat bek mah ahih veve mah bangin Khrih zong pumpi na a tuamtuam a nei pumpi khat ahi hi.

1 PETER MASA 2:4

Mite in bangmahin kimang lo hi, ci-in a nilkhiat hangin Pasian in a manpha hi, ci-in a teel, nuntakna a piathei suangpi ahi Topa kiangah na pai un.

1 KORIN MASA 12:27

Tu-in note khempeuh pen Khrih pumpi na hi uh a, na vekpi-un a pumpi na khat ciat na hi uh hi.

Efesa 5:9

Bang hang hiam cih leh khuavak sunga omna in a hoih, a man, a thutakte hong piangsak hi.

2 KORIN NIHNA 9:10

Tua ahih manin vawh ding khaici le nek ding an hong pia Pasian in note’ cit piakna hangin nopsakna lian tampi na ngahtheih nadingun note tungah a kisam khaici hong guanin a pungsak ding hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuhah a kizel ahi hi.

ROM (Romans) 12:5

Tua mah bangin eite mi tampi ihih hangin pumkhat ihi a, pumpi nate bangin khatlekhat a kizom ciat ihi hi.

1 KORIN MASA 10:16

Nekkhawm bawlna-ah leenggahzu hangin Pasian tungah lungdamna ko-in i dawn ciangin Khrih sisan hangin thuphate eite in zong a ngahkhawm cihna hi lo ahi hiam? I balnen anlum i nek ciangin zong Khrih pumpi hangin thuphate mah a ngahkhawm cihna hi lo ahi hiam?

Hosea 4:8

Ka mite’ mawhna amaute in hauhlawh uh a, ka mite a mawh semsem ding uh a ut uh hi.

Mattiu 13:21

Ahi zongin amaute sungah thuktum zo lo ahih manin tawlkhat sung bek um uh hi. Tua ahih manin Pasian’ thu hangin haksatna ahi a, bawlsiatna ahi zongin khat peuhpeuh a tun ciangin tawpkikpah uh hi.