Johan 15:27 - Tedim Bible

²⁷ A kipat cil a kipanin kei tawh omkhawm na hih manun note in zong keima thu na gen ding uh hi.

Tedim Bible Revision 2017

²⁷ A kipat cil a kipanin kei tawh om khawm na hih manun note in zong keima thu na gen ding uh hi.

Johan 15:27 Referans Kwoze

1 JOHAN MASA 4:14

Pa Pasian in leitung mite a honkhia dingin a Tapa a hong paisakna thu kote in thei-in midang kiangah genbelin ka nei uh hi.

Johan 21:24

Jesuh in tua a cih nungzui pa pen hih thute genin lai sungah a gelh pa hi a, ama thugente a mantaktak hi, ci-in ka thei uh hi.

Luka 24:48

Note pen hih thu khempeuh a thei teci na hi uh hi.

Sawltak 23:11

Tua zanin Paul kiangah Topa hong ding a, “Hang takin om in. Hih Jerusalem khua sungah keima thu genin teci na pan’ mah bangin Rom khuapi-ah zong keima thu genin teci na pang ding hi,” a ci hi.

1 PETER MASA 5:12

Thu upna sungah mi citakin ka ngaihsut Silas’ huhna tawh hih lai tomno gelhin amah ka hong puasak hi. Hih thute pen Pasian’ hong hehpihna taktak hi, ci-in teci pangin note ka hong hanthawn hi. Tua ahih manin hih thute-ah kipin om un.

1 PETER MASA 5:1

Keima pumpi mahmah zong pawlpi upa hi-in, Khrih thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

Sawltak 4:20

Tua ahih manin kote in ka muhsa uh le ka zaksa uh thute gen loin ka om thei kei ding uh hi,” ci-in a dawng uh hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Mangmuhna 1:9

Note’ sanggam keimah Johan in Jesuh tawh kipawlna hangin note mah bangin bawlsiatna thuakin, Pasian’ Ukna sungah omin, lungduai takin a thuak mipa ka hi hi. Pasian’ thu le Jesuh’ hong gen thumante ka genna hangin Patmos a kici tuikulh-ah kei hong kikoih hi.

Mangmuhna 1:2

Johan in zong a muhsa thu khempeuh na gen leuleu hi. Hih thute pen Johan in Pasian kiang panin hong pai thute le Jesuh Khrih in ama tungah a lahkhiat thuman thutakte a genna thu ahi hi.

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesuh pen Khrih ahi hi, ci-in Jew mite kiangah teltakin a gen hi.

Sawltak 13:31

Galilee gam le Jerusalem khua kikalah amah tawh khual a zinzin khawm ngei mite tungah tam veipi a mun tuamtuamah na kilang hi.

Sawltak 4:33

Topa Jesuh’ thawhkikna thu, sawltakte in vangliatna tawh teci pang uh a, Pasian in amaute khempeuh tungah thupha tampi a pia hi.

Johan 19:35

(Note in na uptheih nadingun hih thupiang a mu pa in ama muhna bang a hong gen ahi hi. Ama thugente a man thu hi a, a gen pa in a mantaktak a gen ahihna thu zong a thei hi.)

Sawltak 3:15

Tua ahih ciangin mite tungah nuntakna a piapa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Marka 1:1

Pasian’ Tapa Jesuh Khrih tawh kisai Lungdamna Thu hih bang ahi hi.