Johan 15:26 - Tedim Bible

²⁶ “Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

Tedim Bible Revision 2017

²⁶ “Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

Johan 15:26 Referans Kwoze

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Sawltak 5:32

Hih thute thei-in teci a pangte pen ko sawltakte bek hi loin Kha Siangtho tawh zong ka hi uh a, tua Kha Siangtho pen amah a um mite tungah Pasian in a khongin a piak ahi hi,” ci-in a dawngkik uh hi.

Sawltak 15:8

Mihingte’ lungsim sungthu a thei Pasian in Gentail mite in zong thu a uptheih ding mah hi, cih a lahna-in eite tungah a hong piak mah bangin amaute tungah zong Kha Siangtho a pia hi.

Luka 24:49

Ka Pa’ hong ciamsa thu, note tungah ka hong pia ding hi. Ahi zongin vantung panin tua vangliatna na ngah mateng uh hih Jerusalem khuapi-ah na ngak un,” a ci hi.

Mangmuhna 22:1

Tua ciangin vantungmi in Pasian le Tuuno tokhom panin a hong luangkhia, kristal suangmanpha bangin a tee selsel gun tui hong lak a,

Hebru 2:4

Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.

1 KORIN MASA 1:6

Note sungah Khrih thu kiptakin om ahih manin,

Johan 16:7

A taktakin ci lehang, kei paikhia kei leng note hong Huh ding pa hong pai lo ding a, kei paikhia leng note hong Huh ding pa hong sawl ding ka hih manin kei va paikhia leng note a dingin hoihzaw tham hi.

Johan 8:42

Jesuh in, “Kei pen Pasian kiang panin hong pai-in hih lai-ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong paitawm ka hi kei a, ama hong sawl ka hi hi.

Sawltak 1:4

Amaute tawh a omkhawm laitakin amah in amaute kiangah, “Jerusalem khua panin paikhia kei unla, note kiangah ka hong gensa ka Pa’ hong kamciam thu na ngak un.