Johan 15:25 - Tedim Bible

²⁵ Amaute’ Thukham sungah, ‘Thu om lopi-in kei hong mudah uh hi,’ ci-in a kigelhna thu a tuntheih nadingin a hici mah ding ahi hi.

Tedim Bible Revision 2017

²⁵ Amauteʼ Thukham sungah, ‘Thu om lopi-in kei hong mudah uh hi,’ ci-in a kigelhna thu a tun theih nadingin a hici mah ding ahi hi.

Johan 15:25 Referans Kwoze

Late 109:3

Amaute in muhdah kamte pau-in kei hong gensia uh a, thu om lopi-in kei hong langpang uh hi.

Late 69:4

Thu om lopi-in kei a hong mudah mi, ka lu tunga samzangte sangin tamzaw uh hi. Kei a hong susia ding, zuauthu tawh a hong dote hat mahmah uh hi. Kei’ guk lohpi ke’n loh ding ka hi hiam?

Late 35:19

A man lopi a ka gal a hite kei tungah lungdamsak kei inla, thu om lopi a kei hong mudahte, mitheek kipiasak kei in.

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

2 KORIN NIHNA 11:7

Note kiangah Pasian hangin Lungdamna Thu ka hong hilh ciangin note tung panin thaman bangmah ka hong ngen het kei a, note a thupi na suah ding uh ka deihna-in kei ka kiniamkhiat hi. Hih thu tawh kisai-in a sialamin kei hong lehngaihsut zawsop na hi uh hiam?

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

Mangmuhna 22:17

Kha Siangtho le Mothak in Jesuh kiangah, “Hong pai in,” a ci uh hi. Hih thu a za mi khempeuh in zong Jesuh aw, “Hong pai in,” ci ta uh hen. A dangtak mi khempeuh hong pai uh hen la, a deih khempeuh in nuntakna tui a khongin hong la ta uh hen.

2 THESALONIKA NIHNA 3:8

Kuama an a khongin ka ne kei uh hi. Note khat peuhpeuh in nong suplawhkhak loh nadingun a sun a zanin hahkat takin na ka sem uh hi.

Galati 2:21

Hih bang ka gen ciangin Pasian’ hehpihna thupha ka deih lohna ahi kei a, Thukham zuihzawhna hangin Pasian tawh kipawl theihna om hileh, singlamteh tungah Khrih sihna a mawkna hi lel ding hi, a cinuam ka hizaw hi.

ROM (Romans) 3:24

Ahi zongin Pasian in a hong hehpihna hangin Khrih Jesuh tawh hong tatkhiat manin amah tawh i kipawlthei kik hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasian’ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Johan 10:34

Tua ciangin Jesuh in, “Na Thukham sung uhah Pasian in, ‘Note pen pasian-te na hi uh hi,’ ci hi.

Late 7:4

bangmah thu om lopi-in ka lawmte khemin, ka galte ka huh taak leh,

Johan 19:36

Lai Siangtho sungah, “Ama guhte khat zong kitan lo ding hi,” ci-in a genna thu a tuntheih nadingin hih bangin a piang ahi hi.

Mattiu 10:8

Cinate damsakin, misite hingsakin, miphakte damsakin, dawite va hawlkhia un. Man piak kul loin hih vangliatna na ngah uh bangin hih vangliatna na zatna uhah zong man va ngen kei un.

Johan 13:18

“Hih bangin ka hong genna in note khempeuh hong huam kim lo hi. Ka teelsa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.