Johan 15:16 - Tedim Bible

¹⁶ Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Tedim Bible Revision 2017

¹⁶ Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 15:16 Referans Kwoze

Johan 15:19

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teelkhia a, amaute tawh kipawl nawn lo na hih manun a hong mudah ahi uh hi.

Efesa 2:10

Eite a hong bawlpa pen Pasian hi a, Jesuh Khrih tawh i kipawl ciangin i nuntakna-ah gamtat hoih a nei dingin a hong bawl ihi hi. Hih pen eite’ omzia dingin a na ngaihsut kholhsa ahi hi.

Luka 6:13

Khua a vak ciangin a nungzuite sam a, amaute sung panin sawm le nih teelkhia-in sawltakte ci-in min a phuak hi.

Galati 1:15

Ahi zongin Pasian in a hong hehpihna tawh ka suahma pekin kei hong teelin ama na a sem dingin hong sam khin hi. Keimah in ama Tapa hanga lungdamna thu, Gentail mite lakah ka hilhtheih nadingin kei tungah a Tapa hong kilatsak hun laitakin kuama kiangah thu dongin ka pai kei a,

1 JOHAN MASA 4:19

Pasian in eite hong it masa ahih manin eite in itna i nei thei hi.

Sawltak 22:14

Tua ciangin amah in, ‘I pu i pate’ Pasian in ama deihna a thei ding, a thuman a Nasempa a mu ding, le ama kam mahmah tawh a thugen a za dingin nang hong teel khinzo hi.

2 TIMOTI NIHNA 2:2

Mi tampite’ theihin ka thuhilh, na zaksa thu khempeuh, midangte a hilhsawn thei dingin a citak mite tungah hoihtakin a zuih dingun na hilh in.

Johan 13:18

“Hih bangin ka hong genna in note khempeuh hong huam kim lo hi. Ka teelsa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Johan 6:70

Tua ciangin Jesuh in, “Note na sawm le nih mahun ka hong teel hinapi-in khat pen dawi na suakmawk uh hi,” a ci hi.

1 PETER MASA 3:15

Na lungsim sung uhah Khrih zahtakbawl unla, amah Topa-in nei un. Note’ lametna thu a hong dong a omkhak leh hoihtakin a genthei dingin kiging tawntung unla, ahi zongin lungnemna le zahtakna lim tawh gen un.

Late 71:18

Tua ahih ciangin Pasian aw, hong piang lai ding mite khempeuh tungah nangma hatna thu ka gen khit matengin, teekin ka sam a kang zongin kei hong nusia kei in.

1 JOHAN MASA 4:10

Hih ka gen itna pen eite in Pasian i itna thu hi lo a, Pasian in eite hong itin, i mawhna a maitheih nadingin a Tapa a hong paisakna thu ahi hi.

Paunak 11:30

Midikte a khansau a, migilote khansih hi.

Sawltak 1:24

Tua ciangin amaute in thu ngen uh a, “Mihing khempeuh’ lungsim sung thu a thei Topa aw, ama om nadingin a kilawm munah a om dingin sawltak nasep panin a hong paisan Judas tang dingin, hih mi nih sung panin na teel penpen hong hilh in,” a ci uh hi.

Isaiah 27:6

Hong tung ding hunah Jakob in zung kha ding a, Israel palhin dawnkhia ding a, leitung khempeuh a gah tawh kidimsak ding hi.

1 PETER MASA 3:2

na gamtat hoihna uh a muh uh ciangin Pasian thu hong um ding uh hi.

ROM (Romans) 15:4

Lai Siangtho sungah a om thu khempeuh pen eite hilh nading, eite in lametna nei-in i thuakzawh nading, le i thahat theih nadingin a kigelh ahi hi.

Sawltak 9:15

Ahi zongin Topa in Ananias kiangah, “Gentail mite, kumpite, le Israel mite tungah keima min a kitheisak ding, keima na a sem dingin teelkhin ka hih manin ama kiangah va pai in.

Mattiu 21:22

Upna na neih nak-uhleh na nget peuhpeuh uh na ngah ding uh hi,” a ci hi.

Late 145:4

A khang a khangin nangma nasepnate kiphatphat ding a, a vanglian na bawlnate kigengen ding hi.

2 TIMOTI NIHNA 1:11

Hih a thak Lungdamna Thu hilhin a taangko ding le sawltak na a sem dingin kei a hong kikoih ahi hi.

1 KORIN MASA 10:11

Leitung beikuan hun sungah a om eite a dingin hih thupiangte i etteh ding thu hi a, eite hilhkholh nadingin lai sungah a kiciamteh ahi hi.

ROM (Romans) 9:21

Beelseek pa in tungman lomkhat sung panin hun thupi diakin zat ding beel le zat mawkmawk ding beelin a ututin seektheih nading thu a nei hi.

Jeim 3:18

Kilemna a piangsak mite in lungnuam takin a tuh khaici in hoihna le dikna a piangsak hi.

Hebru 11:4

A upna hang mah tawh Abel in Kain’ piakna sangin a santheih huaizaw biakpiakna Pasian’ tungah a na pia hi. Pasian in ama biakna na sang ahih manin a upna hangin mihoih hi, ci-in Pasian’ pahtakna a na ngah hi. Abel a sihzawh a sawtpi hikhin napi-in tu dong mahin upna thu a hong gengen lai a suak hi.

Titu 1:5

Krete Tuikulh gam sung tengah a manin puahphat ding a kisam lai a omte a sem ding le khua simah pawlpi upa a koih dingin tua gamah a hong nusia ka hi hi. Nang tungah ka hong gensa thute hoihtakin na phawk in:

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuhah a kizel ahi hi.

ROM (Romans) 1:5

Minam khempeuh in ama thu umin a zuihtheih nadingun Khrih hangin sawltak nasep sep theih nading hamphatna thu Pasian in Khrih’ na sep nadingin kote a hong pia hi.

Sawltak 10:41

Mi khempeuh tungah kilangsak loin, a thei teci dingin Pasian in a hong teelsa kote bek tungah hong kilangsak hi. Sihna panin a hinkik khit ciangin kote in amah tawh an nekhawm tui dawnkhawmin ka om uh hi.

1 TIMOTI MASA 2:7

Hih ka gen thu pen zuau ahi lo, thu taktak a gen ka hi a, Gentail mite lakah upna thu le hih thuman a gen dingin sawltak na semin thu a hilh dingin kei a hong kisawl ahi hi.

Kolose 1:23

Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

Micah 5:7

Tua ciangin a omlai Israel mite pen Topa in minam tampite a dingin a piak, lopate a nosak zing daitui, lopate a khangsak guahtui, a bang ding uh hi. Amaute in mihingte muanin nei loin Pasian bek a muang ding uh hi.

ROM (Romans) 1:13

Khrih sungah sanggamte aw, Gentail midangte lakah thu um mi ka ngah mah bangin note lakah zong ngah ding lametna tawh note kiangah pai ding tam veipi ka geel zel hangin ka hong pai theih lohna thu nong theih ding uh ka ut hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Mattiu 7:7

“Ngen un; na nget uhleh hong kipia ding hi. Zong un; na zon uh leh na mu ding uh hi. Kongkhak na kiu un; na kiuh uhleh hong kihon ding hi.

Johan 15:5

“Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi.