Johan 15:1 - Tedim Bible

¹ Tua ciangin Jesuh in, “Kei pen leenggui taktak ka hi a, ka Pa pen leenggui lonei pa ahi hi.

Tedim Bible Revision 2017

¹ Tua ciangin Jesu in, “Kei pen leenggui taktak ka hi a, ka Pa pen leenggui lo nei pa ahi hi.

Johan 15:1 Referans Kwoze

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisia kikin bang hangin leenggah gui a hoih lote na suakkik na hi hiam?

1 KORIN MASA 3:9

Kote pen Pasian a dingin na a semkhawm mite ka hi uh a, note pen Pasian’ lo na hi uh hi. Note pen Pasian’ inn zong na hi uh hi.

Isaiah 60:21

Na mihingte khempeuh thuman ding uh hi. Keima min a than nadingin keima suansa kung, ka khut tawh ka sepsa gam pen amaute in nei paisuak ding uh hi.

Isaiah 4:2

Tua ni ciangin Topa’ bulsel pen melhoihin minthang ding a, leitung panin a piang gahte pen, a suakta lai Israel mite’ kiphatsakna le minthanna hi ding hi.

Johan 6:55

Bang hang hiam cih leh ka sa, an taktak hi a, ka sisan, dawn ding tui taktak ahi hi.

Jeremiah 12:10

Tuucing dang tampi in ka leenggah lo hong suksiatsak uh a, kei a’ teng hong tuatcilsak uh hi. A hoih mahmah ka leenggah lo pawnlak, gamlak, a suaksak uh hi.

1 JOHAN MASA 2:8

Ahi zongin note kiangah ka hong gelh thupiakna pen na zak ngei loh uh thuthak hi a, Khrih gamtatna le note’ gamtatnate in tua thu a man taktak ahihna hong kilangsak hi. Tu-in khuamial beita a, khuavak taktak hong taang khinta hi, cihna pen thuthak ahi hi.

Marka 12:1

Tua ciangin Jesuh in amaute kiangah thugentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.

Mattiu 21:33

“Thugentehna dang khat na ngai lai un. Mi khat in lo zuanin leenggui suan a, a kimkot umin, leenggah cil nading bawl a, a honna ding tausang khat a lam khit ciangin lo khawhlawhte khawhlawh sakin gam dangah a pai hi.

Hosea 10:1

Israel mite ahihleh a gahpha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoihbawl semsem uh hi.

Johan 6:32

Jesuh in, “A mantakin ci lehang: Moses in a piak an pen vantung an hi lo hi. Vantung an taktak pen ka Pa in hong pia hi.

Luka 13:6

Tua ciangin Jesuh in amaute kiangah thugentehna khat gen a, “Mi khat in a lolai-ah theikung khat a suansak hi. Theigah a lo dingin a pai ciangin bangmah na gah lo hi.

Mattiu 20:1

“Bang hang hiam cih leh vantung ki-ukna sung omzia pen a leenggah lo-ah na a sem ding a cial dingin zing tungin a kuankhia leenggah lo nei pa tawh kibang hi.

Solomon la 7:12

Zingsangin tho baihin leengguite a sel nai hiam, leengguite a pak nai hiam, mang kawlsing kungte a pak nai hiam, i en ding hi. Tua lai munah kong itna letsong ka hong pia ding hi.

Zekhariah 3:8

Tua ahih ciangin siampi lianpen pa Joshua aw ngai in: Ama siampipih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Johan 1:9

Ama gen khuavak taktak pen zong leitungah hong tung khin a, mi khempeuh a taan khin hi.

Johan 1:17

Pasian in Moses tungtawnin Thukham hong pia a, ahi zongin Jesuh Khrih hangin itna le cihtakna thu hong pai hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion-ah a om a dah mite a lungdamna ding, a lungkham mite in phatna la a saktheihna ding, a lunggim mite in Pasian a phattheih nadingin amah in kei hong sawlzo hi.

Ezekiel 19:10

Na nu uh, luitui gei-ah a kisuan leenggui tawh kibang hi. Tui tampi ngah a, a teh, a gah, a pha hi.

Mattiu 15:13

Jesuh in, “Vantungah a om ka Pa’ suan ahi lo kung khempeuh kibotkhia ding hi.

Johan 15:2

Amah in gah a nei lo ka hiang khempeuh satkhia a, gah a nei hiangte ahihleh a gah semsem theih nadingin a puah hi.

ROM (Romans) 11:17

A kiciing oliv kung a hiangte kisatkhia-in gamlak oliv hiangte tawh kipeh hi. No Gentail-te pen tua gamlak oliv hiangte tawh a kibang na hi uh a, Jew mite’ hamphatna teng a ngahkhawm na hi uh hi.