Johan 14:9 - Tedim Bible

⁹ Jesuh in, “Filip aw, hih tanvei omkhawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Tedim Bible Revision 2017

⁹ Jesu in, “Filip aw, hih tanvei om khawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Johan 14:9 Referans Kwoze

Kolose 1:15

Khrih pen a kimu thei lo Pasian’ lim hi a, a kipiangsak khempeuh lakah tapa upa pen ahi hi.

Johan 12:45

Kei hong mu khempeuh in kei hong sawl pa zong a mu ahi hi.

Johan 14:7

Note in kei na hong theih nak-uhleh ka Pa zong a thei na hi uh hi. Tua ahih ciangin tu a kipanin Pa thei-in a mu khinta na hi uh hi,” a ci hi.

Hebru 1:3

Tua Tapa in Pasian’ minthanna vang hong taangkhiasak a, Pasian’ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasian’ taklam, vantungah a tu hi.

Johan 10:30

Kei le ka Pa pumkhat ka hi uh hi,” ci-in a dawng hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Filippi 2:6

Jesuh Khrih in Pasian’ pianzia nei napi-in, Pasian tawh a kizakim theihna dingin thatanghat thu a suang kei hi.

Johan 14:20

Tua hun ciangin Pa sungah kei ka omna thu, le note sungah ka hong om mah bangin keima sungah na omna thu uh na thei ding uh hi.

Marka 9:19

Jesuh in amaute kiangah, “Upna nei lo mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Luka 12:56

No a kineihkhem mite aw, vanlelei na et uh ciangin a piang ding thu thei na hih uhleh, tuhun thute bang hangin theithei lo na hi uh hiam?” a ci hi.

1 KORIN MASA 15:12

Tu-in gen penin a kinei thu in: Sihna panin Khrih kihingkiksak hi, cihna thu ahih manin, bang hangin note pawlkhat in, misite thokik lo ding hi, ci thei na hi uh hiam?

Jeremiah 2:23

Bangci bangin nangmah in, ‘Kei ka nin kei hi. Baal pasian-te’ nung ka zui kei hi,’ bang hangin ci thei ding na hi hiam? Mualkuam zangah a om na lampi totte ento inla, na hihsate mu dih in. A suktai a totai kawikawi kalaoh huk na bang tazen hi.

Late 11:1

Ke’n Topa ka bel hi. Bang hangin ka tungah, “Vasa leeng bangin mualtungah tai in;

Piancilna 26:9

Tua ahih manin Abimelek in Isaac samin, “En in, amah na zi ahi hi. Tua ahih ciangin bangci-in nang in, ‘Amah ka sanggamnu hi,’ ci thei na hi hiam?” a ci hi. Isaac in ama kiangah, ”‘Ama hangin si kha ding ka hih ciangin,’ ci-in ngaihsun ka hihna hang hi,” a ci hi.

Johan 8:19

Tua ciangin amaute in, “Na pa koi-ah om ahi hiam?” ci-in dong uh a, Jesuh in, “Kei ka hi a, ka Pa ahi zongin na hong thei kei uh hi. Kei hong thei hi le-uhcin ka Pa zong na thei ding uh hi,” ci-in a dawng hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.