Johan 14:16 - Tedim Bible

¹⁶ Keimah in Pa kiangah ka ngen ding a, note tawh a omkhawm tawntung dingin Thuman a hong lak Kha Siangtho, note hong Huhpa ding a hong pia ding hi.

Tedim Bible Revision 2017

¹⁶ Keimah in Pa kiangah ka ngen dinga, note tawh a om khawm tawntung dingin Thuman a hong lak Kha Siangtho, note hong Huhpa ding a hong pia ding hi.

Johan 14:16 Referans Kwoze

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Johan 15:26

“Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

ROM (Romans) 15:13

Kha Siangtho’ huhna tawh note’ lametna a khan semsem theih nadingin, lametna a hong piathei Pasian in, amah na upna uh hangin lungdamna le nopsakna tawh note hong kidimsak tahen.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

ROM (Romans) 14:17

Bang hang hiam cih leh Pasian’ Ukna pen nekledawn tawh a kisai thu hi lo a, Kha Siangtho hangin i ngah Pasian’ deih bangin gamtatna, kilemna, lungdamna, cihte hizaw hi.

Sawltak 9:31

Tua ahih manin Judea gam, Galilee gam, le Samaria gam sunga om pawlpite in bawlsiatna thuak nawn loin nuamtakin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

1 JOHAN MASA 2:1

Ka itte aw, note na khialhkhak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite a dingin Pa Pasian kiangah a hong thumsak dingin a thuman Jesuh Khrih i nei hi.

Johan 4:14

ahi zongin keima piak ding tui a dawn khempeuh dangtak kik nawn lo ding uh hi. Tua ka piak tui a dawnte sungah nuntakna tuinak piang ding a, a nungtasak paisuak ding hi,” a ci hi.

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Filippi 2:1

Note, Khrih tawh kipawlin na nuntakna uh in note hong thahatsak hi. Kha Siangtho tawh kikhawlin, khatlekhat kihehpihin, dikna na kibawl uh hi.

ROM (Romans) 5:5

Pasian in eite tungah a hong piak a Kha Siangtho tawh eite sungah ama itna hong guang ahih manin hih lametna in eite hong lungkiasak ngei lo hi.

Sawltak 13:52

Antiok khua-a om thu um mite ahihleh Kha Siangtho tawh kidimin lungdam mahmahin a om uh hi.

Johan 17:15

Leitung panin amaute na lakkhiat ding a hong ngetsak ka hi kei a, a Gilopa’ bawlsiat nading panin na kep ding a hong ngen ka hi hi.

Johan 14:18

“Note a cimawh dingin ka hong nusia kei ding hi. Note kiangah ka hong paikik ding hi.

Hebru 7:25

Tua hi a, mite a dingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a honkhia thei ahi hi.

ROM (Romans) 8:34

Tua ahih manin kua in amaute tungah thu khenthei nawn ding ahi hiam? Eite a dingin a hong thumsak pa pen Pasian’ taklamah a tu, a sih khit ciangin sihna panin a kihingkiksak Khrih Jesuh hi lo ahi hiam?

Johan 14:14

Keima min paulamin na hong nget nak-uhleh ka hong pia ding hi,” a ci hi.

Johan 17:20

“Hih mite a’ ding bek thu a hong ngetsak ka hi kei a, amaute’ thugenna hangin kei hong um mite a’ ding zong a hong ngetsak ka hi hi.

Johan 16:22

Note zong tua mah tawh na kibang ding uh hi. Note zong tu-in na dah uh hangin note tawh kimukik ding ihih manin na lung uh dam mahmah ding a, tua na lungdamna uh kuamah in hong beisak thei lo ding hi.

2 THESALONIKA NIHNA 2:16

I Topa Jesuh Khrih mahmah leh, eite hong itin, a hong hehpihna tawh thakhauhna le lametna a hong pia tawntung eite’ Pa Pasian in

Johan 7:39

Jesuh in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasian’ pianzia nei-in sihna panin Jesuh kithokiksak nai lo ahih manin Kha Siangtho kipiakhia nai lo hi.

Sawltak 1:4

Amaute tawh a omkhawm laitakin amah in amaute kiangah, “Jerusalem khua panin paikhia kei unla, note kiangah ka hong gensa ka Pa’ hong kamciam thu na ngak un.

1 JOHAN MASA 2:27

Khrih in note tungah ama Kha Siangtho hong piakhin a, tua Kha Siangtho na neih laiteng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuauthu khat zong om lo hi. Tua ahih manin Kha Siangtho’ hilhnate zui unla, Khrih sungah kiptakin om un.

2 JOHAN NIHNA 1:2

Thuman thei ihih manin a tawntungin tua thu-ah i kip ding hi.