Johan 13:34 - Tedim Bible

³⁴ Note tungah ka hong piak thak thu in: Note khatlekhat na ki-it ding uh ahi hi. Note ka hong it mah bangin note khatlekhat na ki-it un.

Tedim Bible Revision 2017

³⁴ Note tungah ka hong piak thak thu in: Note khatlekhat na ki-it ding uh ahi hi. Note ka hong it mah bangin note khatlekhat na ki-it un.

Johan 13:34 Referans Kwoze

Efesa 5:2

Khrih in eite a hong it manin Pasian in eite’ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte uh na it ding uh hi; kei pen Topa ka hi hi.

Johan 15:17

Tua hi a, note ka hong thupiak in: Khatlekhat na ki-it un, cihna ahi hi.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu uppih mite uh lungsim tak tawh itthei khinta na hih manun na lungsim khempeuh uh tawh limtakin na ki-it un.

Galati 6:2

Thu haksa na tuah uh ciangin khatlekhat na kihuh un. Tua hileh Khrih’ thukham a zui na hi uh hi.

1 JOHAN MASA 3:23

Ama hong thupiakna in: A Tapa Jesuh Khrih umin zui-in, Khrih’ hong sawl bangin eite khatlekhat i ki-it ding ahi hi.

1 JOHAN MASA 4:21

Khrih in eite tungah hong thupiakna in: Pasian a it mi in a Khristian mipihte zong it ding hi, cihna ahi hi.

Jeim 2:8

Lai Siangtho sungah, “Nangmah na ki-it bangin na vengte na it in,” ci-in a genna Topa’ Thukham zui le-uhcin a hoih hi pah hi.

1 THESALONIKA MASA 3:12

Kote in note ka hong it zahun, note khatlekhat na ki-itna uh le mi khempeuh na itna uh, hong liansak semsem tahen.

ROM (Romans) 12:10

Unau ki-itna lungsim nei unla, khatlekhat kizahtak bawl ding lamsang kidem un.

2 JOHAN NIHNA 1:5

Tua ahih ciangin ka hong it tonu aw, ka hong thum nopna panin: Eite khempeuh khatlekhat ki-it ni, cihna ahi hi. Hih ka hong gen thu pen thuthak hi lo a, a kipatcil pek a kipanin i neihsa thupiakna ahi hi.

Galati 6:10

Tua ahih ciangin hunhoih i ngah simin midangte tungah a hoihin i gamta ding a, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

1 JOHAN MASA 3:11

A kipat cil a kipanin na zak tawntung uh thu pen khatlekhat i ki-it nading thu ahi hi.

Siampi Laibu 19:34

Note lakah a hong peem khualmite tualsung mi mah bangin na ngaihsun ding uh a, nomau mah bangin amaute na it ding uh hi; bang hang hiam cih leh note pen Egypt gam sungah khualmi na hi ngei uh hi; kei pen Topa na Pasian uh ka hi hi.

Hebru 13:1

Khrih sungah unau bangin na ki-itna uh na zomsuak un.

2 THESALONIKA NIHNA 1:3

Sanggamte aw, note’ upna nakpitakin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

2 PETER NIHNA 1:7

Pasian’ deih bangin na gamtatna uh sanggam ki-itna tawh na behlap un; na sanggam ki-itna uh itna thukpi tawh na behlapzawh nadingun na hanciam un.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Johan 17:21

Pa aw, amaute khempeuh pumkhat a suahtheih nadingun ka hong ngetsak hi. Nangmah in kei na hong sawlna thu leitung mite in a uptheih nadingun ei tegel pawlkhat ihih mah bangin amaute zong eite tawh pawlkhat hong hi tahen.

Late 119:63

Kei pen, na thuhilhte a zui, nangmah a hong zahtakte tawh a kikhawlpa ka hi hi.

Late 16:3

Leitungah a om mi siangthote ahih le, amaute nampi hi a, amaute sungah ka lungkimna teng om hi.

Mattiu 5:44

Ahi zongin ke’n note kiangah kong genin-ah: Na galte uh na it unla, no hong bawlsiate a dingin thu na ngetsak un.

ROM (Romans) 13:8

Khatlekhat ki-it ding cih lohbuang, kuama tungah leiba nei kei un. Midang a itte in Thukham deihna teng a zuikhin ahi hi.

ROM (Romans) 13:10

Midangte a it mi peuhmah in amaute tungah siatna bawl het lo ahih manin itna i neih ciangin Thukham buppi a zui khinta ihi hi.