Johan 13:19 - Tedim Bible

¹⁹ Hih thu hong tun taktak ciangin, ‘Kei kua ka hihna,’ na hong theih nadingun a hun ma-in a hong ma gen ka hi hi.

Tedim Bible Revision 2017

¹⁹ Hih thu hong tun taktak ciangin, ‘Kei kua ka hihna,’ na hong theih nadingun a hun ma-in a hong ma gen ka hi hi.

Johan 13:19 Referans Kwoze

Johan 14:29

A thu hong pian’ taktak ciangin ka thugente na uptheih nadingun a pian’ ma-in a hong genkhol ka hi hi.

Isaiah 43:10

“Note pen keima teci na hi uh hi,” Topa in ci a, “Kei pen Amah ka hihna thu, nangmah in thei-in keimah nong upna ding, nong theihtel nadingin kong teelsa ka nasempa na hi hi. Kei’ ma-in pasian om lo a, kei’ khitah zong kuamah om lo ding hi.

Johan 16:4

Hih bangin a hong gamtat hun uh hong tun ciangin ka hong gen thute na phawk theih nadingun a hong genkhol ka hi hi. “Note tawh hong omkhawm ngawn ka hih manin a kipattung lamin hih thute ka hong gen kei hi.

Isaiah 48:5

note in, “Ka milim un hihte bawl a, a kisui ka milim uh le a kisung ka milim un thu pia hi,” na cih theih loh nadingun tanglai a kipanin note tungah hih thute kong gen a, tuate hong pian’ ma-in note tungah kong zasakkhol hi.

Johan 8:58

Jesuh in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.

Mattiu 24:25

A hun ma-in hong genkholkhin ka hih manin limtakin kidawm un.

Mattiu 11:3

“Nang pen a hong pai ding pa na hi hiam, tua ahih kei leh adang na lamen lai ding ka hi uh hiam?” ci-in a dongsak hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawlkhol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Johan 1:15

Johan in ama thu gen a, “Keima nungah hong pai hinapi-in keima suah ma-in amah omkhin ahih manin kei sangin amah lianzaw hi,” ci-in ka gen pa pen hih pa ahi hi, ci-in a kiko hi.

Luka 21:13

Hih hun sung pen note in Lungdamna Thu na gentheih nading uh hunhoih ahi hi.

Isaiah 41:23

Note pen pasian-te na hihna uh ka theih nadingun tu khit ciangin a hong piang ding thute kote tungah hong gen un. Kote lungkia-in ka lau nadingun phatna ahi a, siatna ahi zongin khat peuhpeuh hong bawl dih un.

Johan 4:26

Jesuh in, “Tu-a nang tawh a kiho keimah pen tua na gen pa ka hi hi,” a ci hi.

Johan 8:28

Tua ahih manin Jesuh in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin kei’ thu bek tawh bangmah hih loin, ka Pa’ hong hilhsa teng bek a gen ka hihna thu na thei ding uh hi.