Johan 13:17 - Tedim Bible

¹⁷ Hih thu thei-in na zuih uhleh na lung uh nuam mahmah ding hi.

Tedim Bible Revision 2017

¹⁷ Hih thu thei-in na zuih uh leh na lung uh nuam mahmah ding hi.

Johan 13:17 Referans Kwoze

Luka 11:28

Ahi zongin Jesuh in, “Pasian’ thu za-in a zuite hamphazaw lai hi,” ci-in a dawng hi.

Jeim 4:17

A hoih a manin gamtat ding thei napi-in a gamta lote a khial ahi hi.

Jeim 1:25

Ahi zongin mite a suaktasak thei thukham cingtaak hoihtakin a et khit ciangin a thu ngai-in a mangngilh pah hi loin, hoihtakin ngaihsun tawntungin a zuite pen a sepna khempeuh uhah Pasian in thupha a pia ding hi.

Ezekiel 36:27

Note sungah keima kha kong guang ding a, note tungah kong piak ka thukhamte le ka thupiakte limtakin kong zuisak ding hi.

Paikhiatna 40:16

Moses in zong Topa in amah a thupiaksa khempeuh tawh kituakin a hih hi.

Mangmuhna 22:14

Khuapi kulhkongpi sungah a luttheih nading le nuntakna singgah a nektheih nadingun a puan uh a siangin a sawp mite, mi hampha ahi uh hi.

Late 19:11

Tua tham loin tuate’ hangin a nasem pa in thuphawkna ngah a, tuate zuihna-ah noptuamna lian a om hi.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Mattiu 12:50

Vantungah a om ka Pa’ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Piancilna 6:22

Noah zong tua bangmahin gamta a, Pasian’ thupiak khempeuh a hih hi.

Johan 15:14

Ka hong thupiak bangin na gamtat uhleh ka lawmte na hi uh hi.

Paunak 29:18

Pasian’ lamlahna a kizuih lohna gamah gam sung mite phengtat gawp uh hi. Pasian’ thukham a zui mite ahihleh a lungdam uh hi.

Jeremiah 11:6

Tua ciangin Topa in kei kiangah, “Hih thuciamna thute ngai-in a sep nadingun Judah gam khuapite le Jerusalem khua kongzing lakah va taangko in.

ROM (Romans) 2:13

Thukham zakna bek hangin Pasian tawh kipawlna a piang hi lo a, thukham sunga Pasian’ genna bangin a gamtate bek Pasian tawh a kipawl thei ahi hi.