Johan 13:14 - Tedim Bible

¹⁴ Note’ Topa le Siapa in na khe uh hong silsak ka hih leh note khatlekhat na kisilsak kan ding uh kilawm hi.

Tedim Bible Revision 2017

¹⁴ Noteʼ Topa le Siapa in na khe uh hong silsak ka hih leh note khatlekhat na kisilsak kan ding uh kilawm hi.

Johan 13:14 Referans Kwoze

1 PETER MASA 5:5

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Sawltak 20:35

Topa Jesuh mahmah in, ‘Ngahna sangin piak khiatna-ah lungdamna lianzaw hi,’ a cihna phawkkawmin nakpitakin nasepna tawh na khempeuhah a zawngkhalte huh ding hi hang, ci-in note kiangah kong lak khinzo hi,” ci-in a vaikhak hi.

Galati 5:13

Sanggamte aw, note ahihleh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zangzaw un.

ROM (Romans) 12:16

Mi deidan loin a kibangin en un. Kiphasak loin mineute tawh kikhawlthei unla, kipilsak se kei un.

1 PETER MASA 4:1

Khrih in ama pumpi-in thuak ahih manin note in zong tua bang lungsim mah nei-in na kithakhauhsak ding uh ahi hi. Bang hang hiam cih leh pumpi-in a thuak mite peuhmah, mawhna tawh kisawhkha nawn lo uh hi.

1 KORIN MASA 8:13

Tua ahih manin nekna in thu upna sungah ka sanggamte khat a khialsak ding ahihleh, amah a pukkhak loh nadingin milim biakna sa ka ne ngei het kei ding hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

2 KORIN NIHNA 10:1

Keimah Paul in Khrih migitna le lungduaina tawh note kiangah ka hong thum hi. Kei pen note tawh ka hong omkhawm laitakin a meidawi, note tawh ka omkhawm loh ciangin a tapkual han in hong kigen hi.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

ROM (Romans) 12:10

Unau ki-itna lungsim nei unla, khatlekhat kizahtak bawl ding lamsang kidem un.

Johan 11:2

Mary i cih pen Jesuh sathau nuhin a sam tawh a nulsaknu hi a, Lazaras pen ama u ahi hi.

1 KORIN MASA 12:3

Tua ahih manin Kha Siangtho in lam a lah mite in, “Jesuh in samsiatna ngah ta hen,” a cih lohna, le Kha Siangtho in lamlak kei leh kuamah in, “Jesuh pen Topa hi,” a cih theih loh nading thu na theih ding uh ahi hi.

Filippi 2:11

Jesuh Khrih in Topa ahi hi, ci-in taangko-in Pa Pasian a min thangsak ding uh hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuahsate, a inn-ah zin le leengla do a siam mite, kiniamkhiatin Pasian’ mite’ khe a silsakte, a lungkham mite a huhte, le thu khempeuhah a hoih gamtat mite hi lai ding uh hi.