Johan 13:13 - Tedim Bible

¹³ Note in kei pen Siapa, le Topa, na hong ci uh hi. Na hong cih uh mah bangin a man ka hi hi.

Tedim Bible Revision 2017

¹³ Note in kei pen Siapa le Topa, na hong ci uh hi. Na hong cih uh mah bangin a man ka hi hi.

Johan 13:13 Referans Kwoze

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Filippi 2:11

Jesuh Khrih in Topa ahi hi, ci-in taangko-in Pa Pasian a min thangsak ding uh hi.

1 KORIN MASA 12:3

Tua ahih manin Kha Siangtho in lam a lah mite in, “Jesuh in samsiatna ngah ta hen,” a cih lohna, le Kha Siangtho in lamlak kei leh kuamah in, “Jesuh pen Topa hi,” a cih theih loh nading thu na theih ding uh ahi hi.

Johan 11:28

Tua khit ciangin Martha a inn-ah va tai-in a naunu Mary va huausim a, “Siapa hong pai a, nang hong sam hi,” a ci hi.

Filippi 3:8

Hih bang nate bek hi loin, ka Topa Jesuh Khrih ka theihna manphazaw lua sa ka hih manin na dang khempeuh ka sum ngamzaw lai hi. Khrih hangin na dang khempeuh ka nusia khin a, Khrih tawh ka kipawl theih nadingin na dang khempeuh ninneng bang lelin ka ngaihsun hi.

1 KORIN MASA 8:6

eite a dingin Pasian khat bek, Pa khat bek a om hi. Ama a dingin i nuntakna pa, na khempeuh a piangsak pa ahi hi. Eite tungah nuntakna a hong pia, na khempeuh a piangsak Topa Jesuh Khrih khat bek a om hi.

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in ling deldel uh hi.

Luka 10:28

Tua ciangin Jesuh in, “Na dawnna man mahmah hi. Tua bangin gamta lecin nuntak tawntungna na ngah ding hi,” a ci hi.

Luka 7:43

Simon in, “Leiba tam a maisakna pa in itzaw dingin ka um hi,” ci-in a dawn ciangin Jesuh in, “Na genna man mahmah hi,” a ci hi.

Jeremiah 1:12

Tua ciangin Topa in, “Na man hi; bang hang hiam cih leh ka thugente ka tangtunsak nadingin kei zong ka ngak hi,” hong ci hi.

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

Johan 11:2

Mary i cih pen Jesuh sathau nuhin a sam tawh a nulsaknu hi a, Lazaras pen ama u ahi hi.

Johan 11:3

Tua ahih manin a nau numei tegel in Jesuh kiangah, “Topa aw, na it mipa a ci na hi,” ci-in thu a zasak uh hi.

Efesa 6:9

Tote aw, silate in note hong bawl mah bangin note in zong amaute limbawl unla, tawn’ gawpgawpnate zang nawn kei un. Note le na silate uh vantung panin To khat khutnuai-ah a om na hihna uh le tua Topa in kuamah maitang zahtak tuam nei loin a kibangin mi khempeuh thu a khen ahihna thu na phawk ta un.