Johan 12:5 - Tedim Bible

⁵ “Bang hangin hih sathau namtui ngun peek za thumin kizuakin a sumte mizawngte tungah kipiazaw lo ahi hiam?” a ci hi.

Tedim Bible Revision 2017

⁵ “Bang hangin hih sathau namtui ngun peek za thumin kizuakin a sumte mizawngte tungah kipia zaw lo ahi hiam?” a ci hi.

Johan 12:5 Referans Kwoze

Luka 18:22

Jesuh in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Luka 12:33

Na neihsa uh zuak unla, mizawngte tungah tua sumte na pia un. Note a dingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei hetloh nading mun vantungah na sumte uh na khol un.

Johan 6:7

Filip in, “Ngun peek zanih tawh an i lei hangin tawmno bekin cing pan ding uh hi,” ci-in a dawng hi.

Luka 6:41

“Bang hangin na mit sungah singluang a tang phawkkha loin na lawmte’ mit sunga ninthem tang etsak na hi hiam?

Mattiu 20:2

Ni tha ngeina ngun peek khat piak dingin a kithukim khit uh ciangin a leenggah lo-ah na a sem dingin pawlkhat a kuansak hi.

Amos 8:5

Note in na lungsim sung uhah, “I ante i zuak theih nadingin zumkhak hun bei ding i ngaklah hi. I mangbuhte i zuaktheih nadingin cik ciangin Sabbath ni bei ding ahi hiam? I antehna seu neuseekin sum tampi i ngen nuam a, tawikhaina man lo zangin a hong leite i khem nuam hi.

Paikhiatna 5:17

Ahih hangin amah in, “Note na thadah uh hi, note na thadah uh hi. Tua ahih ciangin note in, ‘Hong paisak unla, Topa’ tungah biakna hong piasak un,’ na ci uh hi.

Paikhiatna 5:8

Ahih hangin tumasiah-a a leiseek bawlzah mah uh amaute na bawlsak ding uh hi. Bangbang hitaleh na khiam kei ding uh hi. Bang hang hiam cih leh amaute thadah uh hi. Tua ahih manin amaute kiko-in, ‘Kote hong paisakin ka Pasian uh tungah biakna hong piasak un’ ci uh hi.

Mattiu 18:28

“Ahi zongin tua nasempa a paikhiat ciangin ama sum ngun peek zakhat khawng a ba a naseppih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Johan 12:4

Tua laitakin Jesuh’ nungzuite sung panin amah a lehhek ding Judas Iskariot in,

Johan 12:6

Hih bangin kam a pauna pen mizawngte a khualna hang hi lo a, amah sumkem ahih manin a sumte gu-in a ututin a zang zel pa ahihna hang hizaw hi.

Johan 13:29

Amah sumkem ahih manin hih pawi a zat ding a kisam na pawlkhat a lei dingin a sawl hi ding hi; tua ahih kei leh zong mizawngte pawlkhat tungah sum a pia dingin a sawl hi ding hi, ci-in nungzui pawlkhat in a ngaihsun uh hi.

Ezra 4:14

Kote in kumpipa tawh thuciamna kip nei khin ka hih manun kumpipa’ minsiatna ka muh ding uh kilawm lo hi. Tua ahih manin nangma mai-a a semte’ thuciamtehna laibute a ki-etkik theih nadingin kumpipa tungah thu kong zasak uh hi. Thuciamtehna laibu sung en lecin hih khuapi pen a lehdo thei khuapi, kumpipa tung le a ukna gamte tungah siatna a piangsak, kumpi dona a khua sungah a om tawntungna thu na mukhia ding hi. Hih khuapi a kisukcipna zong hih thu hang mah ahi hi.