Johan 12:48 - Tedim Bible

⁴⁸ Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amaute’ thukhen ding ahi hi.

Tedim Bible Revision 2017

⁴⁸ Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amauteʼ thukhen ding ahi hi.

Johan 12:48 Referans Kwoze

Luka 10:16

Tua ciangin Jesuh in a nungzuite kiangah, “Note’ thu a hong zuite khempeuh, kei’ thu a hong zui hi a, note’ thu a hong zui lote khempeuh, kei’ thu a hong zui lo ahi uh hi. Kei’ thu a hong zui lote khempeuh pen kei a hong sawl pa’ thu a zui lo ahi uh hi,” a ci hi.

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesuh Khrih thu a khensak Ni ciangin, tu-a ka hong gen bang teekteekin a hong piang ding ahi hi.

2 THESALONIKA NIHNA 1:8

Pasian a thei lo mite, le i Topa Jesuh tawh kisai Lungdamna Thu a um lo mite tungah gimna a tungsak ding hi.

Johan 11:24

Martha in, “Nitawp ni-a thawhkik ni ciangin hong thawhkik ding ka thei hi,” a ci hi.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Johan 5:45

Hih bangin ka hong gen ciangin ka Pa kiangah note a hong mawhsak ding pa hi, ci-in hong ngaihsun kei unla, note in suan belin na neih uh Moses pen a hong mawhsak ding pa ahih zawkna thu thei ta un.

Mattiu 21:42

Jesuh in amaute kiangah, “Lai Siangtho sungah, ‘Innlamte in a nilkhiat suang pen innkiu suang bulpi suak khinta hi. Hih pen Topa’ bawl hi a, i muh ciangin lamdang i sa hi,’ ci-in a kigelhna sim ngei lo na hi uh hiam?

1 SAMUEL MASA 10:19

Ahih hangin note in na tuahsiatnate uh le na lungkhamnate uh panin note a hong honkhia na Pasian uh tuni-in na nial uh a, note in, ‘Kote’ tungah kumpi khat koih in,’ na ci uh hi. Tua ahih ciangin tu-in na minam nam uh le a tul tulin Topa’ mai-ah kilak un,” a ci hi.

2 KORIN NIHNA 4:3

Lungdamna thu ka hilhte uh kitel lo ahihleh zong siatna a thuak mite a’ ding bekin a kitel lo hi ding hi.

Luka 20:17

Tua ciangin Jesuh in amaute enin, “‘Innlamte in a nilkhiat suang pen innkiu suang bulpi suak khinta hi,’ ci-in Lai Siangtho in a gen pen bang a cihnopna ahi hiam?

Luka 17:25

Ahi zongin amah in gimna tampi tak thuak masa ding a, ama huna mite in amah nial ding uh hi.

Luka 9:26

Keima hang le ka thuhilhnate hangin a maizum peuhmah, a Pa’ minthanna vang le a siangtho vantung mite’ minthanna tawh a minthangin hong paikik ciangin Mihing Tapa zong ama hangin a maizum ding hi.

Luka 9:22

Tua ciangin Jesuh in a nungzuite kiangah, “Mihing Tapa in tampi tak thuak ding a, upate, siampi liante, le Thukham hilh siate in amah nial ding uh hi. Amah kithat ding a, a ni thum ni-in kihing kiksak ding hi,” a ci hi.

Luka 7:30

Ahi zongin Farisi mite le Thukham hilh siate in Pasian’ deihna nialin Johan khut sungah tui kiphum ding ut lo uh hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah ding a, a um lo mi peuhpeuh in mawhsakna thuak ding uh hi.

Marka 12:10

‘Innlamte in a nilkhiat suang pen innkiu suang bulpi suak khinta hi.

Mattiu 25:31

“Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.

Sawltak 3:23

Tua kamsangpa’ thugen a mang lo khempeuh, a Jew mipihte kiang panin kikhen khia-in kisusia ding hi,’ ci hi.

Marka 8:31

Tua ciangin Jesuh in, “Mihing Tapa in tampi tak thuak ding hi; upate, siampi liante, le Thukham hilh siate in amah nial ding uh hi. Amah kithat ding a, ni thum khit ciangin hingkik ding hi,” ci-in a nungzuite hilh ding a kipan hi.

Mattiu 10:15

Thukhen ni ciangin tua khuamite’ thuakna sangin Sodom khua le Gomorrah khuamite’ thuakna olzaw lai ding ahihna thu hoihtakin phawk un.

Johan 6:39

Kei hong sawl pa’ deihna in: Ka khut sungah a hong piak mi khempeuh khat zong khahsuah loin nitawp ni ciangin ka hinsakkik ding ahi hi.

Johan 8:47

Pasian kiang panin a paite in Pasian’ thugen za thei hi. Ahi zongin note pen Pasian kiang pan hi lo na hih manun Pasian’ thu na ngai nuam kei uh hi,” ci-in a dawng hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

Hebru 4:12

Pasian’ thu nungta-in a gamtang hi a, langnih a hiam namsau sangin hiamzaw lai hi. Kha le lungsim, guh le taang kituahna, guh le guhngek dongin khenkhia thei hi. Mihingte’ lungsim ngimna le a ngaihsutnate zong theithei hi.

Hebru 10:25

Mi pawlkhatte in kikhop a pelh bang hi loin, eite in kikhop khawmnate pelh loin om ni. Topa’ hong pai ding Ni hong naina thu thei ihih manin khatlekhat kihanthawn semsemzaw ni.

1 PETER MASA 1:5

Note’ upna hangin nitawp ni ciangin na ngah ding uh hotkhiatna nomau-a’ ahihna a kilatsak nadingin Pasian in ama vangliatna tawh a hong kepsak ahi hi.

2 PETER NIHNA 3:3

A masa penin na theih ding uh panin: Hun nunung lam ciangin amau pumpi deihna zui-in a gamta mi pawlkhat hong om ding a, amaute in note hong zahpih bawlin,

2 PETER NIHNA 3:7

Tu-in tua Pasian’ kampauna mah tawh, mei tawh haltum dingin tu-in a om vantung le leitung a kikoihcing hi a, Pasian a um lo mite thu kikhenin a kisuksiat hun ding bek ngakin a om ahi uh hi.