Johan 12:46 - Tedim Bible

⁴⁶ Kei hong um mi khempeuh, khuamial sungah a om nawn loh nadingun leitung khuavak bangin ka hong pai hi.

Tedim Bible Revision 2017

⁴⁶ Kei hong um mi khempeuh, khuamial sungah a om nawn loh nadingun leitung khuavak bangin ka hong pai hi.

Johan 12:46 Referans Kwoze

Johan 8:12

Tua khit ciangin Jesuh in mihonte kiangah a thugenna khatah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Late 36:9

Bang hang hiam cih leh nuntakna tuinak nangmah tawh om a, na khuavak sungah kote in khuavak ka mu uh hi.

Johan 9:5

Leitungah ka om laiteng kei pen leitung mite a dingin khuavak ka hi hi,” ci-in a dawng hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Johan 3:19

Tua bangin mawhsak thukhenna a thuakna uh a hang in: Leitungah khuavak hong tungkhin napi-in a gamtatna uh hoih lo ahih manin leitung mite in khuavak sangin khuamial deihzaw uh hi.

Johan 1:9

Ama gen khuavak taktak pen zong leitungah hong tung khin a, mi khempeuh a taan khin hi.

Mattiu 4:16

Khuamial sunga a teng mite in khuavak lianpi mu ding uh hi. Sihna gam khuamial sungah a teng mite tungah khuavak hong taang ding hi,” ci hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khrih in nang hong taan ding hi,” kici hi.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Isaiah 42:15

Mual liante le mual neute ka susia ding a, a po khempeuh ka keusak ding hi. Gunte pen tuikulh ka suaksak ding a, bualtuite ka kangsak ding hi.

Johan 9:39

Tua ciangin Jesuh in, “Mittawte in khua a muhtheih nading le khua mu thei a kineite mittaw a battheih nadingin leitungah thukhen dingin a hong pai ka hi hi,” a ci hi.

Isaiah 40:1

Ka mite hehnem un, hehnem un, na Pasian un ci hi.