Johan 12:2 - Tedim Bible

² Amaute in nitak an na vak uh a, Lazaras ahihleh Jesuh tawh an ne-in tukhawmin, Martha pen anpia-in a manlah hi.

Tedim Bible Revision 2017

² Amaute in nitak an na vak uh a, Lazaras ahihleh Jesu tawh an ne-in tukhawmin, Martha pen an pia-in a manlah hi.

Johan 12:2 Referans Kwoze

Mangmuhna 3:20

Kongkhakah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.

Luka 22:27

Anne dingin sabuai-ah a tupa le an a piapa kua lianzaw ahi hiam? Anne dingin a tupa lianzaw mah hi. Ahi zongin kei pen note lakah anpia-in na a sempa bangin ka hong om hi.

Marka 14:3

Bethany khua-ah, miphak ahi ngei Simon’ inn-ah Jesuh in an a nek laitakin, numei khat in a manpha mahmah nard paknamtui citak suangngo thawl dimin a om khat hong tawi a, a suangngo thawl sukhamin Jesuh’ lu tungah a paknamtui a sungsuk hi.

Luka 14:12

Tua ciangin Jesuh in a innteek pa kiangah, “Sun-an nekna-ah ahi a, nitak-an nekna-ah ahi zongin mi na sap ciangin, na lawmte ahi a, na sanggamte ahi a, na behte ahi a, mihau na vengte ahi zongin sam kei in. Amaute in zong an ne ding mahin nang hong samkik ding uh a, hih bangin hong sapna hangin na anvakna thaman a ngahkik na hi ding hi.

Luka 12:37

A topa hong ciah ciangin a kigingsa-in amah ngakin a om uh a muh nasemte pen mi hampha mahmah ahi uh hi. Note kiangah kong genin-ah, a topa zong hong kithawi-in a nasemte an vak dingin tusak ding a, amahmah in a nasemte an thukin na a sem ding hi.

Luka 5:29

Tua ciangin Levi in ama inn-ah Jesuh vakna annek pawipi bawl a, annekna sabuai-ah siahdong dang tampite le midangte zong tawh a tukhawm uh hi.

Mattiu 26:6

Bethany khua-a miphak ahi ngei Simon inn-ah Jesuh a om laitakin,

Solomon la 4:16

Saklam huih aw, hong nungsuk inla, khanglam huih aw, hong nungto in. Ka huan sungteng hong namtuisak un. Ka ngaihno, ka huanah hong paisak unla, a gah limci pente hong nesak un.