Johan 12:16 - Tedim Bible

¹⁶ Tua hun laitakin a nungzuite in hih thu a khiatna thei lo uh hi. Ahi zongin Pasian’ pianzia nei-in Jesuh a thawhkik khit ciangin Lai Siangtho in amah a gen ahihna le ama a dingin hih bangin a piang ahihna thu a nungphawk uh hi.

Tedim Bible Revision 2017

¹⁶ Tua hun laitakin a nungzuite in hih thu a khiatna thei lo uh hi. Ahi zongin Pasianʼ pianzia nei-in Jesu a thawhkik khit ciangin Lai Siangtho in amah a gen ahihna le ama adingin hih bangin a piang ahihna thu a nung phawk uh hi.

Johan 12:16 Referans Kwoze

Johan 2:22

Tua ahih manin sihna panin amah a kithawhkiksak ciangin a nungzuite in Jesuh’ thugen phawkkik uh a, Lai Siangtho le Jesuh’ thugente a um uh hi.

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Johan 7:39

Jesuh in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasian’ pianzia nei-in sihna panin Jesuh kithokiksak nai lo ahih manin Kha Siangtho kipiakhia nai lo hi.

Sawltak 2:36

“Tua ahih ciangin singlamteh tungah na thah uh hih Jesuh pen Pasian in Topa le Khrih in a bawl khitna thu, Israel mi khempeuh in teltakin thei ta un,” a ci hi.

Johan 12:23

Tua ciangin Jesuh in, “Mihing Tapa in Pasian’ pianzia a ngah ding hun hong tungta hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Hebru 8:1

Tu-in i gennop thu pen hih bang ahi hi: Vantungah Pasian’ tokhom taklamah a tu tua bang Siampi Lianpen khat a nei ihi hi.

Sawltak 3:13

I pupite Abraham, Isaac, le Jakob Pasian in a nasem Jesuh tungah ama vangliatna a pia hi. Note in aana neite khut sungah tua Jesuh na pia uh a, Pilat mangpa in amah khah dingin a ngaihsut khit ciang nangawnin Pilat’ maitang mahah amah na nial teitei uh hi.

Sawltak 2:33

Amah in Pasian’ taklamah omna dongin liatna ngah a, ama tungah Pasian in a ciamsa Kha Siangtho zong a ngahkhin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Johan 16:4

Hih bangin a hong gamtat hun uh hong tun ciangin ka hong gen thute na phawk theih nadingun a hong genkhol ka hi hi. “Note tawh hong omkhawm ngawn ka hih manin a kipattung lamin hih thute ka hong gen kei hi.

Luka 24:45

Tua ciangin Lai Siangtho sung thu a theih nadingun a lungsim uh honsak a,

Luka 24:25

Tua ciangin Jesuh in amau tegel kiangah, “Bangzah takin hai a, bang dingin kamsangte’ thugen um thei lo na hi uh hiam?

Luka 18:34

Ahi zongin nungzuite in hih ama thugente tel zo lo uh hi. Amaute’ tel zawh loh dingin kihem gen ahih manin, Jesuh’ gente bang a cihnopna ahi hiam, ci-in a thei kei uh hi.

Luka 9:45

Ahi zongin amaute in a cihnopna thei lo uh hi. Amaute in a theihtel loh nading mahun a kibawl hi a, bang a cihnopna hiam, ci-in Jesuh kiangah lah a dong ngam kei uh hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Marka 16:19

(Tua bangin Topa Jesuh in amaute tungah thu a gen khit ciangin vantungah kilato-in Pasian’ taklamah a tu hi.

Marka 9:32

A nungzuite in hih ama thuhilhna thei lo uh a, ahi zongin amah dong ngam lo uh hi.