Johan 11:51 - Tedim Bible

⁵¹ Hih bangin thu a gen ciangin ama lungsim a gen hi lo a, tua kumin siampi lianpen a sem ahihna tawh Jew mite’ tangin Jesuh a si ding ahihna thu a genkhol ahi hi.

Tedim Bible Revision 2017

⁵¹ Hih bangin thu a gen ciangin ama lungsim a gen hi lo a, tua kumin siampi lianpen a sem ahihna tawh Jew miteʼ tangin Jesu a si ding ahihna thu a gen khol ahi hi.

Johan 11:51 Referans Kwoze

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkapmang lianpa in khuapi le biakinnpi a susia ding hi. A beina pen tuiciin tun bang hi ding a, a tawp dongin galdona le kisiatna vive ahi dingin Pasian in thu a khenzo hi.

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

1 SAMUEL MASA 23:9

Saul in ama tungah a sia a sawmna David in thei hi. Amah in a siampi Abiathar kiangah, “Hih lai-ah siampipuan hong paipih in,” a ci hi.

Paikhiatna 28:30

Thukhenna awmdal sungah Urim le Thummim na koih ding a, Topa’ mai-ah a pai ciangin Aaron’ lungtang tungah tuate om ding hi. Tua bangin Aaron in ama lungtang tungah Israel mite’ thukhenna Topa’ mai-ah pua tawntung ding hi.

Galati 3:13

Lai Siangtho in, “Sing tungah a kikhai mi peuhmah Pasian’ samsiat mi ahi hi,” na ci ahih manin eite a dingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

1 SAMUEL MASA 28:6

Saul in Topa tungah thu a dot ciangin, Topa in mang tawh hitaleh, Urim tawh hitaleh, kamsangte tawh hitaleh dawng lo hi.

Gamlak-vakna 24:2

Balaam khuadak a, a nam namin Israel-te in giahphual a sat a mu hi. Pasian’ Kha ama tungah hong tung a,

Gamlak-vakna 22:28

Tua ciangin Topa inla pau theisak a, la in Balaam kiangah, “Thumvei dong nong sat nadingin nang bang hong cih ka hi hiam?” a ci hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Johan 11:49

Tua laitakin amaute sung panin tua kumin siampi lianpen a sem Kaiafas a kici mipa in, “Note in bangmah na thei kei uh hi.

Johan 18:13

tua kumin siampi lianpen a sem Kaiafas’ sungpa Annas kiangah a paipih masa uh hi.

1 JOHAN MASA 2:2

Tua Jesuh hangin eite’ mawhna hong kimaisak a, eite a’ ding bek hi loin leitung mi khempeuh’ mawhna zong a mai nading ahi hi.