Johan 11:41 - Tedim Bible

⁴¹ Tua ahih manin a suangtum a likkhia uh hi. Jesuh zong van lam dakto-in, “Pa aw, ka thungetna hong ngai na hih manin ka nuam mahmah hi.

Tedim Bible Revision 2017

⁴¹ Tua ahih manin a suangtum a lik khia uh hi. Jesu zong van lam dak to-in, “Pa aw, ka thungetna hong ngai na hih manin ka nuam mahmah hi.

Johan 11:41 Referans Kwoze

Mattiu 11:25

Tua ciangin Jesuh in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Johan 17:1

Jesuh in hih thute a genkhit ciangin vantung lam ento-in, “Pa aw, a hun hong tungta ahih manin na Tapa in na pianzia hong kilatsak theih nadingin tu-in na Tapa’ pianzia hong kilangsak ta in.

Late 123:1

Vantungah a om pa aw, nangmah kong ento hi.

Luka 10:21

Tua laitakin Kha Siangtho in lungdamna tawh Jesuh kidimsak hi. Jesuh in, “Vantung le leitung Topa ahi ka Pa aw, mipilte le misiamte tungah na ip thute, bangmah a thei lo hih mite tungah lak na hih manin ka nuam hi. Bang hang hiam cih leh hih thu pen nangma deihna bang ahi hi,” a ci hi.

Filippi 4:6

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

Luka 18:13

Ahi zongin siahdongpa pen a gamla simah ding a, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Mattiu 11:26

Pa aw, hih pen nangma deihna le na lungkimna bangin na hih ahi hi.

Mattiu 27:60

suang a kikhuak thak ahi ama hankhuk sungah a vui hi. Tua ciangin suangtum lianpi khat hualin a han kongvang hucipin a ciah hi.

Marka 15:46

Josef in zong puanpak lei a, singlamteh tung panin Jesuh’ luang lakhia-in, a puan lei tawh hoihtakin vialin tuam a, tawhsa-in a om suang han sungah a sial hi. Tua ciangin suangtum khat hualin a kongvang a hu hi.

Luka 24:2

Han phual a tun uh ciangin hankhuk hukna suang a kilikkhia mu uh ahih manin

Johan 11:22

Tu nangawnin na nget peuhpeuh Pasian in hong piak ding ka thei hi,” a ci hi.

Johan 20:1

Nipi ni zingsang khuavak ma-in Magdala khuami Mary zong hanah va pai-in a et ciangin hankhuk kihukna suangtum a kilikkhia khin a mu hi.

Sawltak 7:55

Ahi zongin Stefen ahihleh Kha Siangtho tawh kidimin vantung lam ento a, Pasian’ minthanna vang le Pasian’ taklamah Jesuh a ding mu ahih manin,