Johan 11:19 - Tedim Bible

¹⁹ a upa uh Lazaras a sihna hangin Martha le Mary a hehnem dingin Jew mi tampi zong hong pai uh hi.

Tedim Bible Revision 2017

¹⁹ a upa uh Lazaras a sihna hangin Martha le Mary a hehnem dingin Jew mi tampi zong hong pai uh hi.

Johan 11:19 Referans Kwoze

JOB (Job) 2:11

Job’ lawmte thum, Teman khuami Elifaz, Shuah gammi Bildad, le Naamah gammi Zofar-te in Job in a thuak gimna thu teng a zak uh ciangin a inn ciat panun amah a hehnem ding le a hanthawn dingin kituahin hong paikhawm uh hi.

Johan 11:31

Amah hehnemin inn-ah a ompih mite in Mary dingin a paikhiatna a muh uh ciangin, hanah a kap dingin a pai ding hi, ci-in ngaihsun uh ahih manin a zui uh hi.

1 THESALONIKA MASA 5:11

Tua ahih manin tu laitakin na omzia uh mah bangin khatlekhat kihanthawnin na kihuh ciat ta un.

1 THESALONIKA MASA 4:18

Tua ahih ciangin note khatlekhat hih thu tawh na kihehnem un.

2 KORIN NIHNA 1:4

Amah in kote’ haksatna khempeuhah hong huh ahih manin, kote in zong Pasian’ tung panin ka ngah uh tua huhna mah zangin haksatna a nam tuamtuam a thuakte ka huhsawn thei leuleu uh hi.

ROM (Romans) 12:15

A lungdam mite lungdampih unla, a dah mite dahpih un.

Kah la 2:13

Ka it Jerusalem khuapi aw, bangci ding ka hi hiam? Hong bangci hehnep ding ka hi hiam? Nang thuak bangin a thuak kuamah om lo hi. Na tuahsiatna tuipi cia pha a, a lamethuai bangmah om nawn lo hi.

Kah la 1:21

Ka tauna hong ngai in; kei a hong hehnem ding kuamah dang om nawn lo hi. Gimna nong thuaksak manin ka galte lungdam lua uh hi. Na ni ciam ni hong tungsak inla, kei’ thuak bangin ka galte zong thuaksak in.

Kah la 1:16

Tua ahih manin ka mit pan khitui a dimletin a luang hi. Hong hehnem ding le a hong hanthawn ding kuamah om lo hi. Galte in hong zo khin a, ka mite a cimawh uh hi.

Kah la 1:9

A kihhuaina teng kimukhia pah hinapi, gimna thuak ding ahihlam a awlmawh tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawlpihte khempeuh in amah khemin, tu-in a langpan’ khinta uh hi.

JOB (Job) 42:11

Tua ciangin Job’ sanggam pasalte, a sanggam numeite, le a lawm ngeite a inn-ah hong hawh uh a, a inn-ah pawi bawlin lungdamin a omkhawm uh hi. Topa in ama tungah a tunsak gimnate hangin a khasiatpihnate uh genin a hanthawn uh hi. Amaute in sum le kham zungbuh khat ciat tawh va pha uh hi.

2 SAMUEL NIHNA 10:2

Tua ciangin David in, “Keima tungah a pa thuman takin hong gamtat bangin Nahash’ tapa Hanun’ tungah thuman takin ka gamta ding hi,” a ci hi. Tua ahih ciangin David in a pa’ hangin amah a hehnem dingin a nasemte a sawl hi. David’ nasemte Ammon mite’ gamah va tung uh hi.

Piancilna 37:35

A tapate le a tanute khempeuh in amah hehnem uh a, ahih hangin amah hehnep zawhin om lo a, “Hi lo hi. A kapsa-in ka tapa kiang Leinuai-ah ka pai ding hi,” a ci hi. Tua bangin ama hangin a pa kap hi.

Isaiah 51:19

Nang tungah siatna le maimanna, kialpi le namsau, hih thu nih hong tungzo hi. Kua in nang hong dahpih ding ahi hiam? Kua in nang hong hehnem ding ahi hiam?

Thuhilh-sia 7:2

Pawisimna sangin sigalna hoihzaw hi. Sih ding bek a ngak ahihna mihing khempeuh in a phawk ding uh kilawm hi.

1 SAMUEL MASA 31:13

Amaute in a guhte la-in Jabesh khuasung makeng kung nuai-ah vui uh a, ni sagih sung an a tang uh hi.

1 KHANG TANGTHU MASATE 10:12

a thahat mi khempeuh kithawi-in Saul le a tapate’ luanghawmte lakhia-in Jabesh-ah a paipih uh hi. Tua ciangin amaute in Jabesh-a tawsaw nuai-ah amaute’ guhte vui uh a, ni sagih sung an a tang uh hi.

Luka 10:39

Martha in Mary kici nau numei khat nei a, Topa’ thugente ngai-in Mary a om hi.

Luka 10:42

Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Johan 11:1

Tua laitakin Mary le a unu Martha’ omna Bethany khua-ah Lazaras a kici mi khat a ci na hi.

Johan 11:8

a nungzuite in, “Sia aw, zan mah deuhin Judea gam mite in nang denlup hong sawm uh ahih manin tua gamah paikik sawm na hi hiam?” a cih uh ciangin

Johan 11:33

Jesuh in Mary le amah hong zui Jew mite a kahna a muh ciangin a lungsim nakpitakin sukha-in lunggim mahmah ahih manin,

Johan 11:36

Tua ahih manin amaute in, “Jesuh in zong Lazaras nak it mahmah hi,” a ci uh hi.

Johan 11:45

Tua ahih manin Mary kiangah hawhin Jesuh’ hihna a mu Jew mi tampi in amah a um uh hi.