Johan 11:15 - Tedim Bible

¹⁵ Ahi zongin note in na uptheih nadingun tua lai-ah kei om kha lo ka hih manin note kong khualna-in ka nuam mahmah hi. Ahi zongin tu-in ama kiangah va pai ni,” a ci hi.

Tedim Bible Revision 2017

¹⁵ Ahi zongin note in na up theih nadingun tua lai ah kei om kha lo ka hih manin note kong khualna-in ka nuam mahmah hi. Ahi zongin tu-in ama kiangah va pai ni,” a ci hi.

Johan 11:15 Referans Kwoze

2 TIMOTI NIHNA 2:10

Tua ahih manin Pasian’ teel mite in zong Khrih Jesuh hangin hotkhiatna le tawntung minthanna a ngahkhawm theih nadingun amaute’ hangin na khempeuh ka thuak hi.

Johan 17:19

Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.

Johan 12:30

Tua ciangin Jesuh in, “Hih awging pen keima a’ ding ngaihsutna hi lo a, note a’ ding ngaihsutna-in hong ging hizaw hi.

Johan 11:4

Ahi zongin Jesuh in tua thu a zak ciangin, “Hih natna pen sihna ding natna hi lo a, Pasian’ Tapa in Pasian’ pianzia a neihna mite in a theih nading, le Pasian a phattheih nadingin a na ahi hi,” a ci hi.

Johan 2:11

Jesuh in nalamdang a bawl masak pen Galilee gam Kana khua-ah hih bangin Pasian’ pianzia a neihna kilangsak a, a nungzuite in zong amah a um uh hi.

Isaiah 65:8

Topa in hih bangin ci hi: “Leenggahzu pen leenggah bom panin kingah a, mite in, ‘Tuate kimang thei ding ahih ciangin susia kei un,’ a cih mah bangun kei zong a minam bupun susia loin, keima na hong semte ka suaktasak ding hi.

Isaiah 54:15

Mi khatpeuh in note tawh kidona a piansak leh tua pen keima kiang pan hi lo hi. Note tawh kidona a piangsak peuhmah note’ hangin puk ding uh hi.

1 JOHAN MASA 5:13

Pasian’ Tapa a um mite in nuntak tawntungna a nei na hih lamtak uh na theih nadingun hih lai a hong gelh ka hi hi.

2 KORIN NIHNA 4:15

Hih thute khempeuh note a’ ding a kikhualna hi a, Pasian’ hehpihna in mi tam ban semsem leh mi a tam semsem mah in Pasian’ minthan nadingin lungdam ko-in thu ngen ding uh hi.

Late 105:14

amah in amaute kuamah nengniamsak lo hi. Amaute’ hangin amah in kumpite thuhilhin,

Piancilna 39:5

Amah in a innsung uk leh a neih khempeuh a ukin a bawl a kipan Topa in Josef’ hangin Egypt mipa’ innkuan thupha pia hi. Innsung hitaleh lo sung hitaleh a neih khempeuh tungah Topa’ thupha om hi.

Piancilna 26:24

Tua zan mahin ama tungah Topa kilang a, “Kei pen na pa Abraham’ Pasian ka hi hi. Lau kei in; bang hang hiam cih leh ka nasempa Abraham’ huhau-in nang tawh kong om a, nang le na suanlekhakte thupha hong pia-in kong pungsak ding hi,” a ci hi.

Johan 11:14

Tua ahih manin Jesuh in a teltakin gen a, “Lazaras si khinta hi.

Johan 11:16

Tua ciangin, “Unau Peeng,” minno a nei Thomas in, “Ei zong amah tawh a sikhawm dingin va zui ni,” ci-in a nungzuihpihte a zawn hi.