Johan 10:18 - Tedim Bible

¹⁸ Kuamah in ka nuntakna hong laksak thei lo a, keima utthu tawh ka piak hizaw hi. Ka nuntakna piakkhiat theih nading le lakkik theih nading thu ka Pa in kei tungah a hong piak ahi hi,” a ci hi.

Tedim Bible Revision 2017

¹⁸ Kuamah in ka nuntakna hong laksak thei lo a, keima utthu tawh ka piak hizaw hi. Ka nuntakna piakkhiat theih nading le lakkik theih nading thu ka Pa in kei tungah a hong piak ahi hi,” a ci hi.

Johan 10:18 Referans Kwoze

Hebru 2:9

Ahi zongin Pasian’ hehpihna hangin mi khempeuh a dingin Jesuh a sih theih nadingin tawlkhat sung vantung mite sangin a neuzaw-in a kibawlna i mu a, sihna a thuakna hangin minthanna le pahtawina a ngahna thu i thei hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Johan 10:17

Ka nuntakkik theih nadingin si ngam ka hih manin ka Pa in kei hong it hi.

Johan 14:31

Ahi zongin leitung mite in Pa Pasian ka itna thu a theih nadingun Pa’ vaihawmna bangbangin a gamta ding ka hi hi. Tua ahih manin kithawi un; hih lai mun panin paikhia ta ni,” a ci hi.

Johan 6:38

Bang hang hiam cih leh keima ut bangin a sem ding hi loin kei hong sawl pa’ deihna bangin a sem dingin vantung panin a hong pai ka hi hi.

Johan 15:10

Ka Pa’ hong thupiakte zui-in ama itna sungah ka om mah bangin note in zong ka thupiaknate na hong zuih uhleh ka itna sungah a om na hi ding uh hi.

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Sawltak 3:15

Tua ahih ciangin mite tungah nuntakna a piapa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Sawltak 2:24

Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Johan 5:30

“Keima thu guak tawh ka hihtheih bangmah om lo hi. Pasian’ hong genna bang bekin thu ka khen hi. Keima ut bangin sem loin kei hong sawl pa’ deih bangin sem ka hih manin ka thukhenna thuman hi.

Sawltak 2:32

Pasian in sihna panin hih Jesuh hingkiksak a, kote khempeuh pen hih thu a thei teci vive ka hi uh hi.

Johan 19:11

Jesuh in, “Pasian in nang tungah hong pia lo hileh kei tungah thu na nei het kei ding hi. Tua ahih manin nangma khut sungah kei hong apte’ mawhna lianzaw hi,” ci-in a dawng hi.

Johan 5:26

Pa in nuntakna a piaktheih mah bangin Tapa in zong a piaktheih nadingin Pa in a bawl hi.