Johan 10:1 - Tedim Bible

¹ Tua ciangin Jesuh in, “A mantakin ci lehang, tuukulh kongah lut loin a mun dang panin kahin a lut mite pen a guta a buluh ahi hi.

Tedim Bible Revision 2017

¹ Tua ciangin Jesu in, “A mantakin ci lehang, tuukulh kongah lut loin a mun dang panin kahin a lut mite pen a guta a buluh ahi hi.

Johan 10:1 Referans Kwoze

Mattiu 7:15

“Kamsang taktak a hilote na muh uh ciangin limtakin kikem un. Amaute in a tungthamah tuu lim hong pua-in, ahi zongin a sungtawng taktak uh ngia hangsan bang ahi uh hi.

ROM (Romans) 16:18

Tua bang mite in i Topa Khrih’ na a sem hi loin, gilpi vai bek a sem uh ahi hi. Amaute in mite phatin kamkhum nono zang uh ahih manin mihoih pawlkhat a khemzo uh hi.

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

Hebru 5:4

Tua bangin pahtawina a nei siampi lianpen nasep pen a sem dingte amau utthu tawh a kisehtawm mawk hi lo hi; siampi lianpen a sem dingin amahmah a kisehtawm hi lo a, Aaron a kisap mah bangin Pasian in amah a seh ahi hi.

2 PETER NIHNA 2:3

Hih sia man lote in a huaiham manun note kiang panin sum a ngahtheih nadingun phuahtawm thu hong gen ding uh hi. Ahi zongin sawtpek a kipanin amaute’ thu a Khen ding pa a kigingsa-in om niloh a, amaute a Susia ding pa in en gige hi.

2 PETER NIHNA 2:1

Mite lakah kamsang man lo a omngei mah bangin note lakah sia man lo hong om ding hi. Siatna a piangsak thei thuhilhna a man lo hong lutpih simin, amaute mahmah a tankhia Topa nangawn nial ding uh hi. Tua ahih manin thakhat thu-in siatna thuaklawh ding uh hi.

1 PETER MASA 1:10

Kamsangte in hih hotkhiatna thu mah kanin ngaihsut belin nei uh a, Pasian in note tungah a hong piak ding thupha mah, kamsangte in gen belin a neih uh ahi hi.

Jeremiah 23:32

En un, Topa in kong genin-ah, ka sawl lohpi zuau mang manin tua thu hilh a, a zuauthu uh le a kiphatsakna uh tawh ka mite lam a khialhpih mite’ langkhatah kei ka pang hi. Ka mite a dingin amaute a kimanna uh themkha beek om lo hi, Topa in kong ci hi.

ROM (Romans) 10:15

A gen dingin kisawl kei leh kua in a thu gen thei ding ahi hiam? Tua ahih manin Lai Siangtho sungah, “Lungdamna thu a hilh dingin a hong pai mite hangin kinuam mahmah hi,” ci-in kigelh hi.

Johan 3:3

Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

Jeremiah 23:21

Topa in, “Keimah in sawlkhia lo napi-in tua kamsangte kuankhia teitei uh hi. Thu bangmah ka gen lohpi, kei’ min paulamin thu a gen mawkmawk uh hi.

Titu 1:11

Sum ngahtheih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.

Jeremiah 14:15

Tua ahih ciangin ka sawl lohpi, ‘Hih gam sungah namsau ahi zongin, kial ahi zongin hong tung lo ding hi,’ ci-in keima min suangin thu a gen kamsangte tawh kisai-in Topa in ka cihin-ah, namsau le kial tawh hih kamsangte a si khin ding uh hi.

Joel 2:9

Khuapi sung hong kidenna uh a, kulh tung khawngah tai zaizai uh hi. Inn tung khawngah kahto ngeingai uh a, gutate bangin tawlet-ah hong lut uh hi.

Johan 10:7

Tua ahih manin Jesuh in amaute kiangah thu genkik leuleu a, “A mantakin ci lehang, kei pen tuute’ paina kongpi ka hi hi.