Johan 1:51 - Tedim Bible

⁵¹ Tua ciangin Jesuh in, “Ke’n a mantak kong genin-ah, vantung a kihong na mu ding uh a, Mihing Tapa le vantung kikalah Pasian’ vantung mite a kumsuk a kahto na mu ding uh hi,” a ci hi.

Tedim Bible Revision 2017

⁵¹ 4 Tua ciangin Jesu in, “Keʼn a mantak kong genin ah, vantung a kihong na mu ding uh a, Mihing Tapa le vantung kikalah Pasianʼ vantung mite a kum suk a kah to na mu ding uh hi,” a ci hi.

Johan 1:51 Referans Kwoze

Piancilna 28:12

Amah in mang man a, leitungah kahlei khat kiphutin, a kahlei dawn in van ban hi. Pasian’ vantung mite tua kahlei tungah kah to-in a kum suk a mu hi.

Sawltak 7:56

“En un! Vantung kihong a, Pasian’ taklamah Mihing Tapa a ding ka mu hi,” a ci hi.

Luka 22:43

Tua ciangin vantung panin ama kiangah vantungmi khat hong pai a, Jesuh’ tha a hatsak hi.

Luka 2:13

Tua khit phetin tua vantungmi tawh vantung mihonpite thakhatin hong omin Pasian phatna la sa uh a,

Marka 14:62

Jesuh in, “Ka hi hi; Vanglian Pasian’ taklamah Mihing Tapa omin meii lakah a hong pai na mu ding uh hi,” a ci hi.

Marka 1:10

Tui sung panin Jesuh a thawhkhiat khit phetin vantung kihongin, ama tungah vakhu bangin Kha Siangtho a hong kumsuk a mu hi.

Mattiu 3:16

Jesuh a kituiphum khit phetin tui sung panin a paikhia pah hi. Tua laitakin vantung hong kihong a, vakhu bangin Pasian’ Kha Siangtho hong kumsukin ama tungah a khawl a mu hi.

Ezekiel 1:1

Kum sawmthum ka phak kum, a kha lina, a ni nga ni-in Babylon gam a om Khebar Gun gei-ah sala om Jew midangte tawh ka om laitakin maang ka mu hi. Tua ka maangmuhna ah van hong kihong a, Pasian ka mu hi.

Sawltak 10:11

Vantung kihong a, sikli a nei a peek deda khat a kiu ciatah khau kivawhin leitungah a hong kikhaisuk a mu hi.

Luka 3:21

Mi khempeuh a kituiphum khit uh ciangin Jesuh zong a kituiphum hi. Jesuh in thu a nget laitakin vantung kihong a,

Mattiu 4:11

Tua ciangin Dawimangpa paikhia a, vantung mite hong pai-in Jesuh huhin an a vak uh hi.

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

Mangmuhna 4:1

Hih thuteng khit ciangin ka khuadak leh vantungah kong a kihongsa-in a om ka mu hi. Peengkul awging tawh a kibang, kei kiangah thu a hong gensa awging mah in, “Hih lai-ah hong paito in. Tunung ciangin thupiang dingte ka hong lak ding hi,” hong ci hi.

2 THESALONIKA NIHNA 1:7

tu-a gimna a thuak note le kote tungah zong nopsakna hong pia ding hi. Vantung panin Topa Jesuh le a vanglian a vantung mite, meikuang tawh hong kilat ciangin,

Luka 2:9

Amaute kiangah Topa’ vantungmi khat hong kilang a, Topa’ minthanna vang in amaute hong taan ahih manin a lau mahmah uh hi.

Hebru 1:14

Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Johan 10:1

Tua ciangin Jesuh in, “A mantakin ci lehang, tuukulh kongah lut loin a mun dang panin kahin a lut mite pen a guta a buluh ahi hi.

Luka 22:69

Ahi zongin tu a kipanin a Vanglian Pasian’ taklamah Mihing Tapa tu ding hi,” ci-in a dawng hi.

Mattiu 25:31

“Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.

Juda 1:14

Tanglai pekin Adam pan khang sagihna Enok in zong hih thu mah na genkhol a, a genna-ah, “En un, Topa, a mi siangtho honpite tawh hong pai ding a,

2 THESALONIKA NIHNA 1:9

Ama mite khempeuh le thu um mite khempeuh hangin minthanna le pahtawina a ngah dingin Topa hong pai Ni ciangin a noptuak mahmah Topa’ minthanna huamsung panin amaute kihawlkhia ding a, tawntung suksiatna dan a thuak ding uh hi. Ahi zongin note in ka hong gen uh thute um na hih manun tua nopna sungah na om ding uh hi.

Johan 14:12

A mantakin ka hong genin-ah, kei hong umte in keima sep nate mah sem ding hi. Pa kiangah kei ciah ding ka hih manin keima sep sangin zong a lianzaw sem lai ding uh hi.

Johan 6:47

A mantakin kong genin-ah, kei hong umte bek in nuntak tawntungna ngah hi.

Luka 24:4

Amaute in lamdangsa-in a om laitakun amaute gei-ah puanpak a silh mi nih hong dingvat uh hi.

Mattiu 26:24

Mihing Tapa ahihleh Lai Siangtho sungah a kigelhsa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama a dingin hoihzaw ding hi,” a ci hi.

Johan 21:18

A mantakin ci lehang, na khangno lai-in na kawnggak gakin na utna peuhah na pai zialzial thei hi. Ahi zongin na khangham ciangin na khutte na zan ding a, midangte in na khutte hong henin na ut loh napi ah hong paipih ding uh hi,” a ci hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Johan 6:32

Jesuh in, “A mantakin ci lehang: Moses in a piak an pen vantung an hi lo hi. Vantung an taktak pen ka Pa in hong pia hi.

Johan 3:5

Jesuh in, “A mantakin kong genin-ah, mi khatpeuh tui le Kha Siangtho tawh a suahkik kei leh Pasian’ Ukna sungah lut thei lo ding hi.

Johan 16:20

A taktakin ka hong genin-ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.

Johan 13:16

A mantakin ci lehang, sila pen a topa sangin lianzaw ngei lo a, a kisawlpa zong a sawl pa sangin lianzaw ngei lo hi.

Johan 10:7

Tua ahih manin Jesuh in amaute kiangah thu genkik leuleu a, “A mantakin ci lehang, kei pen tuute’ paina kongpi ka hi hi.

Johan 6:53

Tua ahih manin Jesuh in amaute kiangah, “A mantakin kong genin-ah, Mihing Tapa’ sa na nek kei uh a, a sisan na dawn kei uhleh note sungah nuntakna om lo ding hi.

Johan 5:27

Amah pen Mihing Tapa ahih manin thu khentheih nading aana ama tungah a pia hi.

Johan 5:19

Tua ahih manin Jesuh in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muhteng bek a sem ahi hi. Tua hi a, a Pa in a septeng mah a Tapa in zong a sem ahi hi.

Johan 3:3

Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

Mattiu 9:6

Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a cih khit ciangin khutlekhezaw mipa kiangah, “Tho in; na lupna pheek pua inla na inn-ah ciah in,” a ci hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Johan 16:23

“Tua hun ciangin kei kiangah bangmah nong ngen nawn kei ding uh hi. A mantakin kong genin-ah, keima min suangin na nget peuhpeuh uh Pa in hong pia ding hi.

Johan 13:38

Jesuh in, “Kei hong sihpih ngam ding na hi hiam? A mantakin kong genin-ah, kei thumvei na hong nialkhit matengin ak khuang lo ding hi,” ci-in a dawng hi.

Johan 8:58

Jesuh in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.

Johan 8:34

Tua ciangin Jesuh in, “A mantakin ci lehang mawhna a bawl mi peuhmah mawhna’ sila ahi uh hi.

Johan 6:26

Jesuh in, “A mantakin ci lehang: Ka nalamdang bawlte na muh uh ciangin kei hong umin a hong zong na hi kei uh a, an na khamtakun na nek uh manin a hong zong na hi bek uh hi.

Johan 1:50

Jesuh in, “Theikung nuai-ah ka hong mu hi, ka hong cih manin Pasian Tapa le Israel mite Kumpi ka hihlam hong um na hi hiam? Hihte sangin a thu lianzaw na mu lai ding hi,” a ci hi.