Johan 1:47 - Tedim Bible

⁴⁷ Jesuh in ama kiangah Nethanel hong pai a muh ciangin, “En un, hih mipa, Israel mi taktak hi a, a lungsimah zuauthu om het lo hi,” a ci hi.

Tedim Bible Revision 2017

⁴⁷ Jesu in ama kiangah Nethanel hong pai a muh ciangin, “En un, hih mipa, Israel mi taktak hi a, a lungsimah zuau thu om het lo hi,” a ci hi.

Johan 1:47 Referans Kwoze

Mangmuhna 14:5

Amaute, paubaanna om kiuhkeuh lo uh ahih manin zuauthu gen ngei het lo uh hi.

Late 73:1

Israel mite bangin a lungsim a siangtho a thutang mite tungah Pasian hoih takpi hi.

Late 32:2

Topa in mawhna a khuksak loh mi, a lungsim sungah khemna a om lo mi, thupha ngah ahi hi.

ROM (Romans) 9:4

Amaute pen Pasian’ teel Israel mite hi a, Pasian in ama ta-in bawlin a minthanna a hopte, amaute tungah thuciamna bawlin Thukham a piakte, a man taktakin biaktheihna nei-in thuciamna a ngahte,

ROM (Romans) 9:6

Ahi zongin Pasian’ thuciamnate a mawkna a suak hi sam lo hi. Bang hang hiam cih leh Israel mi khempeuh Pasian’ teel mi hi khin lo hi.

Johan 8:31

Tua ahih manin amah a um Jew mite kiangah Jesuh in, “Ka thuhilhnate na zuih paisuak nak-uhleh ka nungzui taktakte na hi ding uh hi.

1 PETER MASA 2:22

Khialhna bangmah gamta lo a, zuau a gen lam zong kiza ngei lo hi.

1 PETER MASA 2:1

Tua ahih manin gitlohna, zuauna, kineihkhemna, huaihamna, le kigensiatnate na omsak nawn kei un.

Filippi 3:3

Bang hang hiam cih leh eite in Kha Siangtho’ hong huhna tawh Pasian bia-in, Jesuh Khrih tawh i kipawl manin lungdamin, a tung lama kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Johan 8:39

Amaute in, “Kote’ pa Abraham ahi hi,” ci-in a dawn uh ciangin Jesuh in, “Abraham’ tate taktak hi le-uhcin Abraham’ gamtat bangin na gamta ding uh hi.

Johan 2:25

Amah in mite’ lungsimtawng dong thei ahih manin mite a bangci mi ahi hiam cih thu midangte in ama kiangah a gen ding kisam lo hi.

Johan 4:16

Tua ciangin Jesuh in, “Va ciahin na pasal va sam inla, hih lai-ah hong paikik un,” a ci hi.