Johan 1:30 - Tedim Bible

³⁰ Keima nungah mi khat hong pai ding a, keima suah ma-in amah omkhin ahih manin kei sangin amah lianzaw hi, ci-in ka gen pa ahi hi.

Tedim Bible Revision 2017

³⁰ Keima nungah mi khat hong pai dinga, keima suah ma-in amah om khin ahih manin kei sangin amah lian zaw hi, ci-in ka gen pa ahi hi.

Johan 1:30 Referans Kwoze

Johan 1:27

Keima khit ciangin note lakah amah in nasep hong kipan ahih hangin, kei pen ama khedap khau a sutsak ding nangawnin ka kilawmzo nai kei hi,” ci-in a dawng hi.

Johan 1:15

Johan in ama thu gen a, “Keima nungah hong pai hinapi-in keima suah ma-in amah omkhin ahih manin kei sangin amah lianzaw hi,” ci-in ka gen pa pen hih pa ahi hi, ci-in a kiko hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpitakin a lianzaw khat hong pailai ding hi. Ama khedap khau a sutsak ding nangawnin kei ka kilawmzo nai kei hi. Amah in Kha Siangtho le mei sungah note hong phum ding hi.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpitakin lianzaw a, ama khedap a tawisak ding nangawnin ka kilawmzo nai kei hi.

Johan 1:31

Amah a bangci mi hi ding cih thei lo napi-in, Israel mite in amah a theih nadingun tui sungah mite a phum dingin a hong pai ka hi hi,” a ci hi.

Johan 10:41

Ama kiangah mi tampi tak hong kikhawm uh a, “Johan in nalamdang bangmah bawl lo hi. Ahi zongin Johan in hih mipa thu a gen khempeuh a vekpi-in mankim hi,” a ci uh hi.