Johan 1:18 - Tedim Bible

¹⁸ Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Tedim Bible Revision 2017

¹⁸ Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Johan 1:18 Referans Kwoze

Kolose 1:15

Khrih pen a kimu thei lo Pasian’ lim hi a, a kipiangsak khempeuh lakah tapa upa pen ahi hi.

Johan 6:46

Hih bang ka cih ciangin Pa tawh a kimu khin ngei om hi, ka cihna hi lo hi. Pasian kiang panin hong pai pa bek in Pa a mu ngei ahi hi.

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Luka 10:22

Tua ciangin Jesuh in amaute kiangah, “Hih nate khempeuh ka Pa in kei tungah hong ap khinzo hi. Pasian simloh, Tapa a thei kuamah om lo hi. Tapa le Tapa in a theihsaknop mite simloh, Pa a thei kuamah om lo hi,” a ci hi.

1 JOHAN MASA 4:12

Kuamah in Pasian mu ngei lo hi. Ahi zongin eite khatlekhat i ki-it leh eite tawh Pasian hong omkhawm a, ama itna eite lakah a cingtaakin a om ahi hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi hen la, vanglian tawntung tahen. Amen.

1 JOHAN MASA 4:9

Pasian in eite hong itna hong bangci lah hiam cih leh: Ama hangin eite in nuntakna i ngahtheih nadingin a Tapa neihsun Pasian in leitungah a hong paisak hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

1 JOHAN MASA 4:20

Mi khatpeuh in, “Pasian ka it hi,” ci napi-in a Khristian mipihte a muhdah le a zuaupi a gen ahi hi. Bang hang hiam cih leh a muhtheih a Khristian mipih a it lo mi in a muhtheih loh Pasian it thei lo ding hi.

Johan 17:26

Kei na hong itna zah itna mah amaute sungah omin, amaute tawh kei ka omkhawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Johan 17:6

“Leitung mite sung panin keima khut sungah na hong piak mite tungah nangma min ka pulak khinzo ta hi. Tua mite in nangma thu mangin nangma mi hi uh a, ahi zongin keima khut sungah amaute na hong pia hi.

Johan 14:9

Jesuh in, “Filip aw, hih tanvei omkhawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Thu-hilhkikna 4:12

Tua ciangin mei sung panin Topa in note’ kiangah thu hong gen hi. Note in awging na za uh a, ahih hangin bangmah mu loin, awging bek a om hi.

Gamlak-vakna 12:8

Amah tawh kam le kam kiho-in, a kitel lo kampaute tawh hi loin, a kitel takin thu ka gen uh a, amah in Topa’ mel a mu hi. Tua bang ahih ciangin bang hangin ka nasem Moses gensiat ding lau lo na hi uh hiam?” a ci hi.

Johan 12:41

Isaiah in Jesuh’ neih Pasian’ pianzia mu ahih manin hih bangin thu a gen ahi hi.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

Paikhiatna 23:21

Amah thudonin ama aw ngai unla, amah lehdo kei un. Bang hang hiam cih leh amah in note’ thu palsatna hong maisak lo ding hi. Bang hang hiam cih leh keima min tawh nasem ahi hi.

Piancilna 16:13

Tua ahih ciangin ama tungah thu a gen Topa pen, “Nang, a mu thei Pasian khat na hi hi,” a ci hi. Bang hang hiam cih leh amah in, “Keimah in Pasian mu khin taktakin, amah ka muh khit ciangin hing lai hi lo ka hi hiam?” a ci hi.

Joshua 5:13

Jerikho khua kiangah Joshua a tun ciangin a khuadaktoh leh, a khut sungah namsau dawhsa tawh mi khat a mai-ah na ding hi. Ama kiangah Joshua pai-in, “Ko’ pawl na hi hiam, ahih kei leh ka langte’ pawl na hi hiam?” a ci hi.

Kah la 2:12

Gilkial dangtakin nu aw, ci-in kapkap uh a, a liam a bai bangin kongzing tengah a tuk pekpak uh hi. Tua bangin damdamin a nute uh ang-ah a si uh hi.

Isaiah 40:11

Amah in tuucingpa bangin ama tuuhonte an vak ding a, ama tuuhonte kaikhawmin a ang sungah pua ding a, no ngeklai a neite dam takin a paipih ding hi.

Paunak 8:30

Na geel siampa bangin amah tawh kikhawlin keimah pen nisimin ama lungdamna ka hi a, ama kianga om nuamsa-in,

Piancilna 18:33

Abraham’ tungah a thugen ding a man khit ciangin ama pai nadingah Topa pai a, Abraham zong ama inn-ah a ciahkik hi.

Johan 13:23

Jesuh in a itdiak a nungzuite khat ama kiangah tu ahih manin,

Paikhiatna 24:10

amaute in Israel Pasian mu uh hi. Ama khe nuai-ah a sianthona van mel tawh a kibang, sapfaia suangmanpha tawh a kibawl suangphahpek bangpian om hi.

Johan 3:11

A mantakin kong genin-ah, kote in ka theihsa uh thu bek genin, ka muhsa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khrih minthanna hangin amaute tungah a hong taang lungdamna thu khuavak mu thei lo uh hi.