Joel 2:8 - Tedim Bible

⁸ Amau’ lampi san ciat hong tawn uh a, a kiphukha kuamah om lo uh hi. Amau mah dal nadingin a kibawlte hong phugawp uh a, khawl hetloin hong paisuak uh hi.

Tedim Bible Revision 2017

⁸ Amauʼ lampi san ciat hong tawn uh a, a kiphu kha kuamah om lo uh hi. Amau mah dal nadingin a kibawlte hong phu gawp uh a, khawl het loin hong paisuak uh hi.

Joel 2:8 Referans Kwoze

JOB (Job) 33:18

Pasian in mihingte siatna thuaksak lo a, sih nading panin amaute a honkhia hi.

2 KHANG TANGTHU NIHNATE 32:5

Amah in lungsim khotakin sep ding kipan a, a cimsa kulh khempeuh ciangpha-in tua tungah tausangte koihto a, tua pualamah kulh dang khat a ciang hi. Amah in David khuapi sungah Millo a muanhuai-in a bawlpha hi. Amah in galhiamte le lumte zong tampi bawl hi.

Solomon la 4:13

Tua huan sungah singkungte hoihtakin khang a, mang kawlsing cinna huan tawh kibang hi. Singgah limci pente tua lai-ah gah a, henna leh nard sing namtuite tua lai-ah a po hi.

JOB (Job) 36:12

Ahi zongin ama thu mang kei le-uh, namsau tawh si ding uh a, misite’ gam zuan ding uh hi.

Nehemiah 4:23

Tua ahih ciangin keimah a kipan ka behte, ka nasemte, le kei hong cingte, a kuamah peuh puan suah man om loin, mi khempeuh in ka khut uhah galhiam ka tawi den uh hi.

Nehemiah 4:17

Kulh-a cian’ ding na a nawn mite in a khut langkhat uh tawh a van puak uh lenin a khut langkhat uhah galhiam tawi uh hi.

2 KHANG TANGTHU NIHNATE 23:10

Tua ciangin amah in mi khempeuh a galhiam ciat uh tawh kumpipa a cingin, biakinn leitaw lampang pan leilu lampang, biakna tau le inn kiimah a koih hi.

Isaiah 5:27

Tua a hong pai mite kuamah gim lo uh a, kuamah tuk lo uh hi. Kuamah lusu lo a, kuamah ihmu lo uh hi. Dialkaih khat zong kol lo a, khedap khau khat zong kitat lo hi.

Joel 2:7

Galte bangin hong sim uh a, galkapte bangin kulh tungah hong kah uh hi. A vekpi-in tangtakin mai hong nawt uh a, a hong heempai kuamah om lo hi.

Joel 2:9

Khuapi sung hong kidenna uh a, kulh tung khawngah tai zaizai uh hi. Inn tung khawngah kahto ngeingai uh a, gutate bangin tawlet-ah hong lut uh hi.

Paunak 30:27

Kauphete: Kumpi nei lo napi-in a kituak diamdiamin hontat thei uh hi.