Joel 2:6 - Tedim Bible

⁶ Amaute hong pai ciangin mi khempeuh lau uh a, a maitang uh daanggawp hi.

Tedim Bible Revision 2017

⁶ Amaute hong pai ciangin mi khempeuh lau uh a, a maitang uh daang gawp hi.

Joel 2:6 Referans Kwoze

Nahum 2:10

Nineveh khuapi kisusia a, kinusiacipin gamkhing suak hi. Launa lungsim tawh kidimin khukte ling kelkel a, mi khempeuh lunggimin a mai-ah sisan teng lo hi.

Isaiah 13:8

Amaute in gim mahmahna le nat velvalna thuak ding uh a, numei nausuak ding bangin na sa ding uh hi. Amaute khatlekhat lamdang sakna tawh ki-en ding uh a, a maitangte un gimna mel pua ding hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahihleh bang hangin pasal khempeuh in numei nausuak dingte bangin a tai uh hum ahi uh hiam? Bang hangin a mai uhah si teng lo ahi hiam?

Kah la 4:8

Tu-in amaute kuama theih lohin kongzing lakah tuk pekpak uh a, a si dingin a mai uh dup khin a, a vun uh sing bangin keugaw-in, a guhguakin a om uh hi.

Jeremiah 8:21

Ka mite’ thuakna hangin ka lungsim kisia a, lungkham lua-in ka kap hi.

Late 119:83

Bang hang hiam cih leh kei pen meikhu lak a a kikoihdak savun-um tawh ka kibang a, ahi zongin nangma ngeina kipte ka mangngilh tuan kei hi.

Nahum 2:11

Humpinelkai note an a kivakna mun, humpinelkai le a note lungmuang a a omna mun, humpinelkaite’ kua tawh a kibang koi-ah omta ahi hiam?