Joel 2:29 - Tedim Bible

²⁹ Tua hun ciangin nasem numei le nasem pasalte tung nangawnah ka kha ka sung ding hi.

Tedim Bible Revision 2017

²⁹ Tua hun ciangin nasem numei le nasem pasalte tung nangawn ah ka kha ka sung ding hi.

Joel 2:29 Referans Kwoze

1 KORIN MASA 12:13

Jew mi ihi a, Gentail mi ihi zongin, sila ihi a, sila ahi lo ihi zongin, eite minam tuamtuam ihih hangin Kha Siangtho khat bek mah in Jesuh’ pumpi a suak dingin ama sungah hong phum a, eite khempeuh tungah a hong kipia pen tua a kibang Kha Siangtho khat bek mah ahi hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khrih tawh na kipawlna hangun pawlkhat hi-in, a kibangkim na hi uh hi.

Kolose 3:11

Tua ahih manin Gentail mi le Jew mi, vun-at mi le vun-at loh mi, khuapi mi le khuaneu mi, sila le sila ahi lo, cih bangin a kilamdanna om lo a, Khrih pen mi khempeuh a’ ding hi thei a, thu khempeuh a’ ding hi thei a, thu khempeuhah amah bek ahi hi.

Ezekiel 36:27

Note sungah keima kha kong guang ding a, note tungah kong piak ka thukhamte le ka thupiakte limtakin kong zuisak ding hi.

Ezekiel 37:14

Note sungah keima nuntakna hu kong guan ding a, note hong hingsakkikin, na gam uhah kong tengsakkik ding hi. Tua ciangin Topa ka hihna thu nong thei ding uh hi. Hih bangin kong hihna ding thu ka kiciamzo a, ka kiciam bangin kong hih ding hi. Topa ahi keimah in hih thu ka gen khinzo hi, ci-in gen in,” hong ci hi.

Zekhariah 12:10

“David’ suanlekhakte le Jerusalem khuamite’ tungah hehpihna lungsim le thungetna lungsim ka guan ding hi. Amaute in a sutlup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpitakin kapin thum ding uh hi.