Joel 2:20 - Tedim Bible

²⁰ Leilu lam gam panin a hong pai mite, note kiang panin sehnel gamah ka hawlkhia ding a, a madawkte uh nisuahna tuipi sungah khia-in, a nungdalte uh nitumna tuipi sungah ka khia ding a, amaute in note tungah hong bawlna hangin a luanghawmte uh uihgawp ding hi.

Tedim Bible Revision 2017

²⁰ Leilu lam gam panin a hong pai mite, note kiang panin sehnel gamah ka hawl khia dinga, a madawkte uh nisuahna tuipi sungah khia-in, a nungdalte uh nitumna tuipi sungah ka khia dinga, amaute in note tungah hong bawlna hangin a luanghawmte uh uih gawp ding hi.

Joel 2:20 Referans Kwoze

Zekhariah 14:8

Tua ni hong tun ciangin Jerusalem khua panin tuicim hong luangkhia ding a, kimkhat, nisuahna lamah a om Si Tuipi-ah luang ding a, kimkhat, nitumna lamah a om Mediterranean Tuipi-ah luang ding hi. Tua tui in kan’ hun cih nei loin luang tawntung ding hi.

Amos 4:10

Egypt gamah ka hong tunsak bangin note lakah gimna kong tungsak hi. Gal sungah na tangvalteng uh ka sisak a, na sakolte uh kong paihkhiatsak hi. Na giahphual sungte uh a uih mahmahna tawh na nakngek uh kong zensak hi. Tua bang hinapi-in kei lamah nong kihei kei uh hi, Topa in ci hi.

Isaiah 34:3

A kithat amau’ mite kilawnkhia ding a, a siluang hawmte uih semsem ding hi. Amau’ sisan in mual khempeuh sansak ding hi.

Thu-hilhkikna 11:24

Na khe un a sikna mun khempeuh nomau a’ hi ding hi. Na gamgi uh sehnel gam panin Lebanon ciang dong le Eufratis gun panin nitumna tuipi dong hi ding hi.

Ezekiel 47:18

“Nisuahna lam gamgi pen, Damaskas le Hauran gamgi kituahna panin hong kipan sukin, Jordan Gun zuisuk a, Jordan Gun nitumna lampangteng Israel gam hi-in, nisuahna lampangteng Gilead gam hi a, tua panin Si Tuipi kimang sukin Tamar khuapi ciang hisuk ding hi.

Paikhiatna 10:19

Topa in nitumna huihpi hat mahmah khat nungsak a, tua huih in kauphete laamto-in San Tuipi sung a denna hi. Egypt gam sungah kauphe khat zong om nawn lo hi.

2 KUMPI NIHNATE 8:13

Tua ciangin Hazael in, “Ui bang ahi lel na nasempa in hih na lian a hih dingin bang ahi hiam?” a ci hi. Elisha in dawngin, “Syria tungah nang kumpi na hih ding thu Topa in kei tungah hong lak khinzo hi,” a ci hi.

Paikhiatna 8:14

Amaute in a lomlomin tuate khawm uh a, gam sung teng uih hi.

Late 126:3

Topa in eite a dingin na lianpite bawl khinta a, eite i kipak hi.

Malakhi 3:11

Lo panin a piang na ante uh, kauphe ka nesak nawn kei ding a, na leenggui uh gahpha mahmah ding hi.