Joel 2:10 - Tedim Bible

¹⁰ Amau’ mai-ah leipi ling a, vanpi nangawn ling damdam hi. Ni le kha zong mialta a, aksite zong taang nawn lo hi.

Tedim Bible Revision 2017

¹⁰ Amauʼ mai ah leipi liing a, vanpi nangawn liing damdam hi. Ni le kha zong mial ta a, aksite zong taang nawn lo hi.

Joel 2:10 Referans Kwoze

Mattiu 24:29

“Tua gimna hun a tunkhit phetin ni hong mialin kha hong taang nawn lo ding a, vantung panin aksite hong kia ding a, vantung a om nate a pai ngei-in pai thei loin lampialgawp ding hi.

Isaiah 13:10

Bang hang hiam cih leh vantung aksite le amau’ aksi honpite in khuavak piakhia lo ding hi. Ni a suahtung a kipan mial ding a, kha in zong khuavak taangkhiasak lo ding hi.

Late 18:7

Ama hehna hangin leitung kipumpei-in kivei a, mual bulpite zong kisingin ling damdam hi.

Sawltak 2:20

Topa’ ni, a lian thupi ni, hong tunma-in ni hong mialin, kha, sisan hong bang ding hi.

Mangmuhna 6:12

Ciamtehna gukna a hon ciangin ka khuadak le nakpitakin zin hong ling a, ni pen puanvom bangin hong vomin, kha pen sisan bangin a hong san hi.

Jeremiah 4:23

Leitung ka et leh limlemel nei lo a, vantungah zong khuavak om lo hi.

Mangmuhna 8:12

A lina vantungmi in a peengkul hong tum a, ni sehthumsuah sehkhat kisatkhia-in, kha zong sehthumsuah sehkhat mah kisatkhia a, aksi zong sehthumsuah sehkhat mah kisatkhia ahih manin a taanna uh sehthumsuah sehkhat ciat a bei hi. Sunin hun sehthumsuah sehkhat tang khua vak lo a, zanin zong hun sehthumsuah sehkhat tang mah kha le aksi taang lo hi.

Nahum 1:5

Ama mai-ah mual liante ling a, mual neute a tuisuak hi. Ama mai-ah leitang kicim a, leitung le a tunga om khempeuh a ling uh hi.

Joel 2:31

Topa’ ni, tua a lauhuai hun a hong tun ma-in ni hong mialin, kha, sisan hong bang ding hi.

Isaiah 34:4

Vantunga a om khempeuh muatmang ding a, laidal bangin vantungte kizial ding hi. Leenggui panin a tehte pulhin, theikung panin a tehte a pulh bangin aksi hon khempeuh pulh ding uh hi.

Late 114:7

Leitung aw, suangpi, bualtui suaksak a, meisuang, ciktui a suaksak, Jakob’ Pasian’ omna, Topa’ omna-ah ling in.

Mattiu 27:51

Tua laitakin biakinn sung deina puan, a lu panin a taw dongin kikekin phelnih a suak hi. Zin zong lingin suangtumpite kitam hi.

Amos 5:8

Vana om aksi Seguk le Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tua tui a buakhia pa a min pen Topa ahi hi.

Joel 2:2

Tua ni pen a mial, a lungzinhuai, meii kai-in khuazin’ ni ahi ding hi. Mualtung a meiipi kai bangin simzawh lohin kauphe honpi hong leeng muaimuai hi. Cikmahin hih bang thu omngei nai lo a, cikmah ciangin zong omkik nawn lo ding hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi.

Mangmuhna 9:2

Amah in tua kuahawm thukpi a hon ciangin meiphualpi panin meikhu bangin meikhu tampi hong pusuak a, tua meikhu hangin ni mialin khim a zing hi.

Isaiah 5:30

Tua ni ciangin amaute in tuipi ging bangin Israel ngik ding uh hi. Mi khatpeuh in hih gam sung en leh khuamial le lungzinna bek om a, meiite in khua a mialsak hi.

Joel 3:4

“Taia khua, Sidon khua, le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uhleh, kei zong manlang takin kong thukkik pah ding hi.