Joel 1:10 - Tedim Bible

¹⁰ Lo ante kisusia a, leengguite keutum hi. Oliv kungte keugaw a, lolai-ah bangmah om nawn lo ahih manin leitang lungzuangin a thum hi.

Tedim Bible Revision 2017

¹⁰ Lo ante kisusia a, leengguite keutum hi. Oliv kungte keugaw a, lo lai ah bangmah om nawn lo ahih manin leitang lungzuangin a thum hi.

Joel 1:10 Referans Kwoze

Hosea 4:3

Tua ahih ciangin leitang keugaw-in a tunga teng khempeuh si ding a, leitung a om gamsa khempeuh le huihlaka leeng vasa khempeuh tawh si mang ding uh a, tuipi sunga om ngasate nangawn si mang ding hi.

Hosea 9:2

Ahi zongin tua ante, oliv thaute, le leenggahzute na khamtakun na nekha kei ding uh hi.

Jeremiah 12:11

Pawn lak hong suahsak uh a, dahin ka kap hi. Gam sung khempeuh a kisiat khit hangin kuamah in phamawh sa lo sawnsawn uh hi.

Joel 1:5

No zukhamte aw, tho unla kap un. No leenggahzu nete aw, thumin tau un. Na zunek ding teng uh beimang khinta hi.

Haggai 1:11

Keimah in gam sung teng, mualtung khempeuh, leitang pana a piang kung khempeuh, mihing, ganhing, le mite’ nasepna khempeuhah keuna ka tungsak hi,” a ci hi.

Joel 1:12

Leengguite keu a, theikungte vuai ta hi. Mang kawlsingte, nisuhte, epel kungte a kipan singkung khempeuh keumang khin hi. Mihingte a lungdamna dingteng zong a maimang ta hi.

Jeremiah 48:33

Leihoih mahmah Moab gamah lungdamna le kipahna a beita hi. Leenggah cilna panin leenggahzu ka luangkhiasak nawn kei a, leenggah cilin lungdamin kuamah a kiko nawn kei a, a kikona uh lungdam kikona hi lo hi.

Jeremiah 12:4

Ka gam sung bang tanvei keucip ding ahi hiam? Mun khempeuhah lopate bang tanvei vulcip ding ahi hiam? A teng mite’ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Isaiah 24:11

Leenggahzu a duh manun kongzingah mite kiko uh hi. Lungdamna khempeuh mangthang khinta a, leitung kipahna teng kibeisak ta hi.

Siampi Laibu 26:20

Na leitang un an piangsak loin, na gam sung uha kungte in amau’ gah gah lo ding ahih manin note’ thatang a mawkna-in a bei hi ding hi.

Piancilna 4:12

Lo na khawh ciangin nang a dingin an hong piangsak nawn lo ding hi. Nang pen a galtai, leitung a a vakvai na hi ding hi,” a ci hi.

Isaiah 15:6

Nimrim luite kang hi. Lopa keu-in a selthak om lo a, lopa hing om nawn lo hi.

Isaiah 24:7

Leengguite keutumin leenggahzu tawm semsem a, a lungdam mi khempeuh khuisa ta uh hi.

Joel 2:19

Topa in ama mite’ thungetna dawng a, “Tu-in note tungah an, leenggahzu le sathau ka hong pia a, na kham takun na ne ding uh hi. Minam dangte’ simmawhin na om nawn kei ding uh hi.

Habakkuk 3:17

Theigahte a hut khin a, leengguite a gah kei zongin, oliv kungte gah lo a, lo-ah an a piang kei zongin, tuu khempeuh a si khin a, ganbuk khempeuh a hawm khin zongin,

Malakhi 2:3

Na suanlekhakte uh nakpitakin ka thuhilh ding a, note ahihleh, na biakpiakna ganhing uh a ekte tawh na maitang uh hong zut gawpin tuate tawh kong lawnkhia khawm ding hi.