Jeremiah 9:5 - Tedim Bible

⁵ Mi khempeuh in a vengte uh khem ciat uh a, thuman gen kuamah om lo hi. A leii uh zuauthu gen dingin kisinsak uh a, mawhna a bawl manun tawllua uh a, kisikzo nawn lo uh hi.

Tedim Bible Revision 2017

⁵ Mi khempeuh in a veengte uh khem ciat uh a, thuman gen kuamah om lo hi. A leii uh zuau thu gen dingin kisinsak uh a, mawhna a bawl manun tawl lua uh a, kisik zo nawn lo uh hi.

Jeremiah 9:5 Referans Kwoze

Habakkuk 2:13

Na zawh uh minamte’ nasepnate a mawkna suakin, amau’ sepsateng khempeuh a khu-in leengmang hi. Hih thu pen Vanglian Topa in a piansak ahi hi.

Micah 6:12

Na mihaute uh mizawngte tungah tatsia mahmahin, na khuasung mi khempeuh uh zuaugen vive ahi uh a, a kam un khemna thu bekbek gen hi.

Isaiah 57:10

A gamla na khualzinna hangin nang na gim mahmah a, ahih hangin nangmah in, “Lametna om kei,” na ci kei hi.

JOB (Job) 15:5

Tu-in na mawhna thu na kam pan hong gingkhia a, ngian zangin na kampau tawh na mawhna na seel hi.

1 TIMOTI MASA 4:2

Tua bang zuau thuhilhnate pen zuau genin mi a khem, sik emsa tawh tatgawp bangin a lungsim un a hoih le a hoih lo a khenthei nawn lote’ kam panin hong gingkhia ding hi.

Efesa 4:25

Tua ahih manin zuau gen nawn kei unla, Khrih pumpi nate ihihna hangin pawlkhat ihih manin khatlekhat tungah thuman kigen ni.

Micah 6:3

Topa in hih bangin thu sung a, “Ka mite aw, note bang hong cihkha ka hi hiam? Tu-in hong dawng dih un!

Ezekiel 24:12

Ahi zongin bangzahin hanciamin a kisep hangin, a kang-op in bun lua ahih manin siang zo lo ding hi.

Jeremiah 9:8

A leii uh thaltang lauhuai bang a, zuauthu a gen uh hi. A kam uh tawh a inn vengte kiangah a aw-zol uh hangin, a sih nading uh a lungsim sung uhah a ngaihsun veve mawk uh hi.

Jeremiah 9:3

A leii uh thalpeu bangin zang uh a, zuauthu bekbek a lawn khiakhia uh hi. Gam sungah thuman om loin zuauthu bekbek a dim hi. Siatna lam manawh tektek uh a, kei hong thei lo uh hi, Topa in a ci hi.

Isaiah 5:18

Amaute in, “I muh theih nadingin amah manlang sakin, ama nasep khawlsak ni. Israel-te’ Siangtho Pa’ deihna i theih theih nadingin naisakin tungsak ni!” ci-in ganhing kaih bangin khauzen tawh mawhna kai-in, khauhualpi tawh khialhna kai uh ahih manin gimna ngah ta uh hen.

Paunak 4:16

Migilote in a sia khatpeuh a sep mateng uh lum thei lo uh a, mi khatpeuh a sukzawh mateng uh ihmu thei lo uh hi.

Late 140:3

A leii uh gulpi leii bang a, a thugente uh gulgu bang hi.

Late 64:3

namsau taat bangin a leii uh a taatte, thaltang bangin thu hoih lo a ngimte,

Late 50:19

“Na kam uh, siatna na uksak uh a, na leii un khemna a khangsak hi.

Late 7:14

Migilo in thusia paii a, suak nuamin na a, zuauthu a hingkhia hi.

JOB (Job) 11:3

Job aw, na thugente hong dawng thei lo dingin hong ngaihsun na hi hiam? Na simmawh kampaute hong kidawng mawh dingin ngaihsun na hi hiam?

Piancilna 19:11

Inn kongkhakah a om mi a lian a neute, amaute in a mit uh tawsak uh hi. Tua ahih ciangin kongkhak a zawtzawt hangun mu zo lo uh hi.

Late 52:3

Hoihna sangin siatna na deihzaw a, thuman genna sangin zuauna na deihzaw hi.

Jeremiah 7:28

Tua ciangin nangmah in amaute kiangah, ‘Hih gam pen, Topa amaute’ Pasian’ thu a mang lo gam hi a, thuhilhna sang loin, thuman om nawn lo a, thuman genin zong a nei nawn kei uh hi,’ na ci ding hi.

Jeremiah 12:6

Bang hang hiam cih leh na sanggamte le na innkuanpihte nangawn in nang hong zuak uh a, nang a hong do ding mihonpi a kaikhawm uh hi. Kam khum tawh nang a hong zol uh hangin um kei in,” ci-in hong dawngkik hi.

Jeremiah 12:13

Amaute in mangbuh tuh uh a, ahi zongin kiak bek a ngah uh hi. Nasep a hahkat mahmah hangun bangmah a ngah kei uh hi. A kihtakhuai Topa’ hehna hangin anlak hun ciangin a maizum ding uh hi,” a ci hi.

Jeremiah 13:23

Ethiopia mivomte in a vun uh khek thei a, kamkei in a gial khek thei ahi hiam? A khek theih uhleh siatna bawl ding a zongsang khin note in zong a hoih na bawl thei ding uh hi.

Jeremiah 51:58

Vanglian Topa in ka hong genin-ah: Babylon khuakulhpi sah mahmahin a muanhuai mahmah leilakah cimsuk ding a, a sang mahmah khuakongpite zong mei tawh kihaltum ding hi. Mite’ nasepna a mawkna suak a, minamte’ hanciamnate vutlevai a suak hi,” a ci hi.

Jeremiah 51:64

‘Babylon khuapi’ gitlohna hangin a tungah gimna ka tungsak ding a, tu-a bangin Babylon khuapi zong tumsukin a hong dawkkikto nawn kei ding hi,’ ci-in gen in,” ka ci hi. Jeremiah’ thugenna tu-a ciang ahi hi.

Malakhi 2:10

Eite khempeuh in, eite a hong piangsak Pasian ahi Pa khat bek nei hi lo ihi hiam? Tua hinapi-in bang hangin eite khatlekhat tungah citak loin, i pu i pate tawh a bawl, Pasian’ thuciamna palsat ihi hiam?

Thukhente 2:10

Tua ciangin tua khangmite khempeuh zong si khin uh a, amaute’ khit ciangin Topa hitaleh, Israel-te a dingin a septe hitaleh a thei lo khangthak hong piang uh hi.

Paunak 12:5

Thuman mite in a kilawm a kituakin hong bawl a, migilote bek in hong khem nuam hi.

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.