Jeremiah 9:25 - Tedim Bible

²⁵ Topa in, “Vun ki-at hinapi-in vun ki-at mite’ gamtat bangin a gamta lote gimpiak hun hong tung ding hi.

Tedim Bible Revision 2017

²⁵ Topa in, “Vun ki-at hi napi-in vun ki-at miteʼ gamtat bangin a gamta lote gimpiak hun hong tung ding hi.

Jeremiah 9:25 Referans Kwoze

Amos 3:2

Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin note gim ka hong pia ding hi.

Ezekiel 28:10

Gamdang mite’ khut sungah ui bang lelin na si ding hi. Topa Pasian ahi keimah in hih thu ka gen khin hi,” a hong ci hi.

ROM (Romans) 2:28

Bang hang hiam cih leh a pualam beka Jew mi hihna le a pualam vun ki-atna lel bek in Jew mi taktak suaksak zo lo hi.

ROM (Romans) 2:29

Jew mi taktak i cihte pen, a sunglamah Jew mi ahite ahi hi. A vun ki-atna uh lungsim vun atna hi a, kha thu tawh a kisai ahi hi. Thukham zui-in pumpi tung vun atna pawl hi lo hi. Hih bang mite pen mihingte in phat loin Pasian in phatin a pakta hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in; dawibia mi hih khuacingte kiangah va pai ni. Topa in eite a dingin hong hihsak kha ding hi. Bang hang hiam cih leh hotkhiat nadingin a tam a tawm in Topa nawngkaisak lo ding hi,” a ci hi.

1 SAMUEL MASA 17:26

David in ama kianga ding mite kiangah, “Hih Filistia-pa thatin Israel-te’ tung panin hih mindaina a beisak pa a dingin bang kihih ding ahi hiam? A nungta Pasian’ galkapte a to dingin hih dawibia Filistia-pa kua ahi hiam?” a ci hi.

Jeremiah 4:4

Judah mite le Jerusalem khuamite aw, Topa’ thu zui unla, lungsim takpi tawh zui un. Na tuacih kei uhleh na bawl uh mawhnate hangin ka hehna mei bangin hong kuangkhia ding a, a phelhzo kuamah om lo ding hi,” a ci hi.

Ezekiel 31:18

“Tua singkung pen Egypt kumpipa Faro le ama mite ahi hi. Eden huana singkungte nangawn tua zahin lianin hoih zo lo hi. Ahi zongin, Eden huana singkungte mah bangin, Pasian’ thu a ngaihsun lo, galsung a a site’ omna a zuan dingin, misite’ omna Leinuai a manawh ta ahi hi. Topa Pasian in hih thu ka gen khin hi,” hong ci hi.

Siampi Laibu 19:27

Note in na baa samte uh met loin na khamul mongte uh zong na tan kei ding uh hi.

Jeremiah 25:23

Dedan, Tema, Buz khuapite; a sam uh a tommet khempeuhte;

Jeremiah 49:32

“A kalaohte uh kisuh khiatsak ding a, a bawnghonte uh kilaksakmang ding hi. A sam uh a mettom amaute mun khempeuhah ka kithehthangsak ding hi. Mun khempeuh panin amaute tungah siatna ka tungsak ding hi, Topa in kong ci hi.

Ezekiel 44:7

Keimah biakna-in sathaute le sasite nong piak uh ciangin, keima thu a mang lo, vun a ki-at lo gamdang mite a sungah na lutsak uh a, ka biakinn na ninsak uh hi. Tua bangin a muhdahhuai na gamtatnate uh tawh ka thuciamna na siasak uh hi.