Jeremiah 9:24 - Tedim Bible

²⁴ A kisatheite in, keimah, leitungah migitna, thuman le thutang a zang ka hihna le tuate sungah nuam a sapa ka hihna thu hong theihna uhah kisathei uh hen. Topa in hih thu kong gen khin hi,” a ci hi.

Tedim Bible Revision 2017

²⁴ A kisatheite in, keimah, leitungah migitna, thuman le thutang a zang ka hihna le tuate sungah nuam a sa pa ka hihna thu hong theihna uh ah kisathei uh hen. Topa in hih thu kong gen khin hi,” a ci hi.

Jeremiah 9:24 Referans Kwoze

2 KORIN NIHNA 10:17

Lai Siangtho in, “Mi khat peuhpeuh a kisialh nop leh Topa’ nasepnate bek kisialhpih hen,” na ci hi.

Galati 6:14

Ahi zongin keimah in ahihleh, singlamteh tungah i Topa Jesuh a sihna thu bek ka kisialhpih ding hi. Bang hang hiam cih leh singlamteh tungah ama sihna hangin kei a dingin leitung thute misi bang a, kei zong, leitung thu-ah misi mah ka bang hi.

1 KORIN MASA 1:31

Tua ahih ciangin Lai Siangtho sungah, “A kisathei mite, Topa’ hang bekin kisathei ta hen,” ci-in na kigelh hi.

Micah 6:8

Mun khempeuhah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Micah 7:18

Topa aw, nang tawh a kibang Pasian dang om lo a, a omlai na mite’ mawhna nangmah in na maisak hi. Nang na heh paisuak kei a, na itna kip nong lak hi.

Late 44:8

Pasian’ hangin kote ka angtang ngitnget uh a, nangma tungah ka lungdam tawntung ding uh hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Late 51:1

Pasian aw, nangma itna kip om bangin kei hong hehpih inla, na hehpihna lian om bangin ka thu palsatnate hong phiatkhiatsak in.

Late 91:14

Itna tawh hong bel ahih manin amah ka honkhia ding a, ka min hong thei ahih manin mun sangna-ah amah ka koih ding hi.

1 SAMUEL MASA 15:22

Tua ciangin Samuel in, “Topa in meihal biaknate le biakpiaknate Topa’ thu man’ ding zahin deih ahi hiam? En in, biakpiakna sangin thu man’ ding hoihzaw a, tuutal thaute sangin thu ngaih ding hoihzaw hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Isaiah 41:16

Amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israel-te’ Siangtho Pa’ hangin na minthang ding uh hi.

ROM (Romans) 5:11

Tuateng bek hi lo lai a, Pasian tawh hong kilemsak i Topa Jesuh Khrih hangin Pasian tungah i nuam mahmah hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak-uhleh gam khempeuh in thupha ka piak ding hong ngen ding uh a, kei’ sungah amaute a lungdam ding uh hi,” a ci hi.

Isaiah 61:8

Bang hang hiam cih leh keimah Topa in thutang deihin, mi’ nate suhna le khialhna ka mudah hi. Amaute tungah amau’ thaman thuman takin ka pia ding a, tawntung thuciamna amaute tawh ka bawl ding hi.

Late 99:4

Thutang a deih, Vanglian Kumpipa aw, nangmah in thuman na phut khin a, Israel-te sungah thutang le thuman na semkhia hi.

Luka 10:22

Tua ciangin Jesuh in amaute kiangah, “Hih nate khempeuh ka Pa in kei tungah hong ap khinzo hi. Pasian simloh, Tapa a thei kuamah om lo hi. Tapa le Tapa in a theihsaknop mite simloh, Pa a thei kuamah om lo hi,” a ci hi.

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Filippi 3:3

Bang hang hiam cih leh eite in Kha Siangtho’ hong huhna tawh Pasian bia-in, Jesuh Khrih tawh i kipawl manin lungdamin, a tung lama kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Isaiah 45:25

Israel suanlekhakte khempeuh, Topa’ hangin gualzo-in a kisial ding uh hi.

Late 20:7

Mi pawlkhat in leengte kihihsakpih a, mi pawlkhat in sakolte kihihsakpih hi. Ahih hangin eite in Topa i Pasian’ min bek i kihihsakpih hi.

Late 34:2

Topa ka phat ding hi. Gimna thuakte zasak unla, lungdam uh hen.

Isaiah 20:5

Tua ciangin amau’ lametna Ethiopia le amau’ kisialhpih Egypt’ hangin amaute lungkia-in a cih nading uh thei lo ding uh hi.

Jeremiah 22:16

Amah in mizawngte le mi cimawhte thuman tawh thu khen a, na khempeuh a hoih a suak pah hi. Tu-a banga hihna pen kei nong theihna uh hi lo ahi hiam, Topa in kong ci hi.

Late 34:3

Kei tawh Topa nak phat un, ama min pahtawi khawm ni!

Late 44:9

Ahih hangin nangmah in kote hong nusia-in, nong minsiasak khin a, ka galkap hon uh tawh na hong kuankhawm kei hi.