Jeremiah 9:21 - Tedim Bible

²¹ Bang hang hiam cih leh tawlet vang panin sihna hong lut a, kumpipa’ inn sungah zong sihna hong lut hi. Kongzing a naupangte vatmang a, sumbuk a tangvalte vatlum hi.

Tedim Bible Revision 2017

²¹ Bang hang hiam cih leh tawlet vang panin sihna hong lut a, kumpipaʼ inn sungah zong sihna hong lut hi. Kongzing a naupangte vat mang a, sumbuk a tangvalte vatlum hi.

Jeremiah 9:21 Referans Kwoze

Jeremiah 6:11

Tua ahih ciangin Topa aw, kei zong ka heh mahmah a, ka thuakzo nawn kei hi,” ka ci hi. Tua ciangin Topa in kei hong hopih a, “Kei’ tang dinga na hehna kongzing lak a naupangte tungah buakhia inla, tangvalte’ kikhopna-ah zong buakhia in. Papite le nupite zong kilakhia ding a, piteek puteekte zong kipaikhiatpih ding hi.

Jeremiah 15:7

Na gam sung khua kongpite-ah huihpi’ mut bangin note kong mutmang ding hi. Na tate uh ka beisak ding a, ka mite ka susia ding hi. Bang hang hiam cih leh na gitlohna uh le na omdan hoih lo panun na kiheikik kei uh hi.

2 KHANG TANGTHU NIHNATE 36:17

Tua ahih ciangin Topa in Khaldea mite’ kumpipa amaute’ langkhatah paipih a, tua kumpipa in amau’ Pasian’ biakinn sung nangawnah namsau tawh a tangvalte uh that a, numei pasal, a moi a ham, a dam a na, kuamah khasiat lo hi. Pasian in a vekpi-in ama khut sungah a pia hi.

Isaiah 40:30

Khangnote nangawn gimin tawl ding a, khanglai mite a tha uh bei ding hi.

Jeremiah 6:21

Tua ahih manin Topa in kong cihin-ah: En un, hih mite a puk nadingin a mai uhah suangtum ka koih ding a, pate le tate, inn vengte le lawmte pukin a si ding uh hi,” a ci hi.

Jeremiah 18:21

Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithatlum sak in.

Jeremiah 44:7

“Tu-in Vanglian Topa Pasian, Israel mite’ Pasian in kong genin-ah: Bang hangin note in hih bangin note’ siat nadingin mawhna lianpi bawl na hi uh hiam? Judah gam sungah papi, nupi, naupang, le naungek a kipan a nungtalai kuamah om nawn kei hen, cih na deihna uh ahi hiam?

Jeremiah 50:30

Tua ahih manin khuasung laizangah a tangvalte uh si ding uh hi. Tua ni ciangin a galkapte uh a beimang khin ding uh hi, Topa in kong ci hi.

Joel 2:9

Khuapi sung hong kidenna uh a, kulh tung khawngah tai zaizai uh hi. Inn tung khawngah kahto ngeingai uh a, gutate bangin tawlet-ah hong lut uh hi.

Amos 6:9

Inn khat sungah mi sawm bek nangawn a suakta a om laina a om leh, tuate khempeuh zong a si khin veve ding hi.

Jeremiah 7:33

Misi luangte huih lak a leeng vasate le leitungah a om ganhingte’ an a suak ding uh a, tuate a delhmang ding kuamah om lo ding hi.

Jeremiah 8:2

Amaute in a it uh, a na a sepsak uh, a delh uh, a zon uhleh a biak uh ahi ni le kha le vana om nate khempeuh mai-ah a kiphokhia ding hi. Tua guhte kikhawm nawn lo ding a, kiphum nawn lo ding hi. Leilak a ek kinusia bang ahi lel ding hi.

Amos 5:2

Nungak Israel puk khin a, thokik ngei nawn lo ding hi. Leilakah lum dildel a, a phongto ding kuamah om lo hi.

Zefaniah 1:17

Topa in hih bangin thu gen a, “Mihingte tungah lungkhamna lianpi ka tungsak ding a, amaute in mittaw bangin khua a zawt ding uh hi. Keima tungah amaute hong khial uh ahih manin, a sisan uh tui bangin kithehthang ding a, a luanghawm uh leilakah muatcip ding hi,” a ci hi.