Jeremiah 9:18 - Tedim Bible

¹⁸ Mite in, “Va kinawhsak unla, i khitui a luantheihna ding, i mitkhu a kawt theih nadingin eite hong kah uh hen,” a ci uh hi.

Tedim Bible Revision 2017

¹⁸ Mite in, “Va kinawhsak unla, i khitui a luan theih nading, i mitkhu a kawt theih nadingin eite hong kah uh hen,” a ci uh hi.

Jeremiah 9:18 Referans Kwoze

Jeremiah 14:17

Tua ciangin Topa in kei tungah thu hong gen a, “Jeremiah aw, amaute kiangah, ‘Sun le zanin ka khitui luangluang hen la, kang ngei kei tahen. Bang hang hiam cih leh keima mite in nakpitakin liamna thuak uh a, nakpitakin a kisat uh hi.

Jeremiah 9:1

Ka lutang tuikhuk hong hithei hen la, ka mitte khitui nak hong hithei leh ka mite’ kithahlupna hangin a sun a zanin ka kapkap ding hi.

Isaiah 22:4

Tua ahih ciangin keimah in, “Kei hong en kei unla, khitui tampi luangin hong kapkap sak un. Ka mi tampi a sihna hangin keimah hehnep ding hong hanciam kei un,” ka ci hi.

Kah la 2:18

Jerusalem aw, na kulhpite mahmah Topa tungah kikosak in! Sun le zanin na khitui gun tuiluang bangsak in. Dahna le kahna tawh na hun beisak in.

Kah la 2:11

Ka kahkahna-in ka mit paatgawp ta a, ka lungsim gim lua mahmah hi. Ka mite a kisiatna hangin dahin husamin ka bahgawp hi. Naupangte le nungakte kongzing lakah sibup uh hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawlpihte khempeuh in amah khemin, tu-in a langpan’ khinta uh hi.

Jeremiah 13:17

Ahih hangin ka thu nong ngaih kei uhleh na kisaktheihna uh hangin ka kapsim ding a, khitui luangin nakpitakin ka kidik ding hi. Bang hang hiam cih leh Topa’ tuuhonte sal dingin kikaikhia zo hi.

Jeremiah 9:20

Tua ciangin keimah in, “No numeite aw, Topa’ kammal ngai dih un. A kam pana hong gingkhia thu na bil uhah lutsak un. Na tanute uh a kah dan ding hilh unla, na inn vengte ciat uh kah la hilh un.

Jeremiah 9:10

“Mualte a dingin kapin tau unla, gamlak lonona munte a dingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, vana leeng vasate le gamsate a taimangta uh hi.

Jeremiah 6:26

Topa in, “Ka mite’ tanu aw, puanhampi silh inla, vut lakah kikhuk in. Tapa khat neihsun a si bangin kap vangvang in. Bang hang hiam cih leh a hong susia ding pa thakhatin hong tung ding hi.

Luka 19:41

Jerusalem khua hong nai semsem a, a khuapi a muh ciangin Jesuh in tamlawh a,

Late 119:136

Mite in nangma thu zui lo uh ahih manin ka khitui hawk luanin a luang hi.

Jeremiah 7:29

“Jerusalem mite aw, na lu uh mettol un. Na sam uh paimang unla, mualtungah va kap un. Bang hang hiam cih leh Topa in hih a gilo khang mite ka nialzo a, ka taisan khinzo hi.

Kah la 3:48

Ka mite a kisiat manin ka khitui hawktui luang a bang hi.

Amos 5:16

Tua ahih ciangin Topa, Vanglian Pasian in hih bangin ci hi: Mihon omna lamkabom khempeuhah mite in na sa-in thumin tau ding uh a, kongzing khempeuhah kap ding uh hi. Khuaneu a mite a thum dingin kisam ding a, a kah siam mite a kap dingin kicial ding hi.

Jeremiah 3:24

“Ahih hangin i neu lai a kipan a zumhuai Baal pasian i biakna hangin i pu i pate’ biakna ahi tuulebawngte, a tapate le a tanute khempeuh uh i sum khinzo hi.

Jeremiah 3:25

Tua ahih manin maizumin lum ni. I minsiatna silh ni. Bang hang hiam cih leh i neulai a kipan tuni ciang dong eite le i pu i pate pen Topa i Pasian’ tungah i mawh khinzo hi. Topa i Pasian’ thu i mang kei khinzo hi,” a ci uh hi.

Jeremiah 4:20

Siatna khat khit ciangin adang khat hong tung a, gam sung khempeuh kisia khinta hi. Thakhat thu-in ka bukte hong kisuksiatsak a, ka puankhaite kikekgawp hi.

Kah la 2:13

Ka it Jerusalem khuapi aw, bangci ding ka hi hiam? Hong bangci hehnep ding ka hi hiam? Nang thuak bangin a thuak kuamah om lo hi. Na tuahsiatna tuipi cia pha a, a lamethuai bangmah om nawn lo hi.