Jeremiah 9:16 - Tedim Bible

¹⁶ Amaute le a pute a pate’ theih ngei lohna gam dangah ka kithehthangsak ding a, a sih khit dong uh namsau ka nungdelhsak ding hi,” hong ci hi.

Tedim Bible Revision 2017

¹⁶ Amaute le a pute a pateʼ theih ngei lohna gam dangah ka kithehthangsak dinga, a sih khit dong uh namsau ka nungdelhsak ding hi,” hong ci hi.

Jeremiah 9:16 Referans Kwoze

Ezekiel 5:12

Note seh thum suah seh khat pen cina le gilkialin khuapi sungah na si ding uh hi. Seh thum suah seh khat, khuapi kiimah namsau-in na si ding uh hi. A omlai seh thum suah seh khat ahihleh mun khempeuhah hong thehthangin namsau tawh kong delh ding hi.

Ezekiel 5:2

Umcihna lim na man ciangin khuapi lim sungah seh khat haltum in. Tua ciangin seh khat la leuleu inla, khuapi kiimah na paikawmin na namsau tawh satnen in. A omlai seh khat pen huihlakah lawn in. Keimah in ka namsau tawh tuate ka sat ding hi.

Thu-hilhkikna 28:64

“Topa in leimong khat panin mong khat, mi khempeuhte lakah note hong thehthang ding hi. Tua lai-ah note le na pu na pate un a theih nai loh singlesuang tawh a kibawl pasian dangte’ na na sem ding uh hi.

Siampi Laibu 26:33

Keimah in minam dangte lakah note kong thehthang ding a, keimah in namsau a paai panin dokin note kong delh ding hi. Na leitang uh gamkhing suak ding a, na khuapite uh a sia hi ding hi.

Jeremiah 44:27

En un, amaute tungah hoihna tung loin siatna a tun nadingin keimah in ka bawl ding hi. Egypt gamah a om Judah mi khempeuh namsau le kialpi tawh si ding uh a, khat beek a suakta kei ding uh hi.

Jeremiah 13:24

Sehnel gam panin a hong nung huih in buhvai a mut bangin note kong thehthang ding hi.

Jeim 1:1

Pasian le Topa Jesuh Khrih sila keimah James in Leitung mun khempeuhah kithehthangin a om minam sawm le nihte tungah hopihna lai ka hong gelh hi.

Zekhariah 7:14

Tua ahih manin Topa in, “Huihpi’ mutkhiat bangin amaute thehthang gawpin, a theihngei nai lohna uh gam dangah amaute teng ding uh hi. Amau’ nusiat leitang hoih zong gamkhing suak ding a, a tungah kuamah om nawn loin daicip ding hi,” a ci hi.

Ezekiel 20:23

Tua ahih manin leitung gam khempeuhah amaute ka thehthang gawpna ding thu, amaute tungah kiciamna dang khat tua gamlakah ka bawl leuleu hi.

Ezekiel 14:17

Tua gam sungah gal tungsakin, mihing ganhing a siaksiang dingin a husia galhiamte kizang leh,

Ezekiel 12:15

Minam dangte’ lak gam dangah amaute ka thehthang ciangin Topa ka hihna thu amaute in hong phawk ding uh hi.

Ezekiel 11:17

“Tua ahih manin Topa ahi keimah in amaute kiangah ka gen thu va gen in. Amaute ka thehthangna gam panin khawmkikin, amaute tungah Israel gam ka piakik ding hi.

Jeremiah 29:17

En un, amaute tungah namsau tawh kithahna, kialpi le pulnatna ka tungsak ding a, amaute, a kine thei lo theigah muat ka bangsak ding hi.

Jeremiah 25:27

Tua ciangin Topa in hong hopih a, “Amaute kiangah, Vanglian Topa, Israel mite’ Pasian in hih bangin ci hi: ‘Dawn un. Kham unla lua un. Note kiangah namsau hong paisak ding ka hih manin tuk unla, thozo nawn kei un,’ va ci in.

Jeremiah 24:10

Namsau tawh kithahna, kialpi, le pulnatnate ka tungsak ding a, amaute le a pu a pate’ kiangah ka piaksa gam sungah khat beek ka nungtasak nawn kei ding hi,” hong ci hi.

Nehemiah 1:8

Na nasem Moses tungah, ‘Na cihtak kei uhleh minam dangte lakah kong thehthang ding hi.

Thu-hilhkikna 32:26

Keimah in, “Amaute gamlapi-ah ka thehthang ding a, mite lakah amaute a kiphawkna ka beisak ding hi,” ka ci thei ding hi.

Thu-hilhkikna 28:36

“Note le na pu na pate un a theih ngei loh minam khat kiangah Topa in note le note tungah na koih uh na kumpipa uh hong tunpih ding a, tua lai-ah singlesuang tawh a kibawl pasian dangte’ na na sem ding uh hi.

Thu-hilhkikna 28:25

“Topa in na galte uh mai-ah note hong guallelsak ding hi. Amaute a do dingin lam khatah na kuan khawm ding uh a, amau’ mai-ah lam sagihin na taikeek ding uh hi. Leitung kumpi gamte khempeuh’ muhna-ah note a cikzethuai na hi ding uh hi.

Thu-hilhkikna 4:27

Topa in mite lakah note hong thehthang ding a, Topa in note hong hawlna minamte lakah mi tawmcik bek na omlai ding uh hi.

Jeremiah 8:19

Ngai un, gam sung mun khempeuhah ka mite’ tanute kap uh a, “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawngkik a, “Bang hangin milim bawltawmte le a gamdang milimte uh tawh kei hong hehsak ahi uh hiam?” a ci hi.

Thuhilh-sia 12:5

keen sangte-ah pai ngam nawn loin, lam pai ding a haksat hun, na samte hong kangin, na khangno thahatna beita-in na tha a kiam hun ding ahi hi. Eite in a tawntung inn ding a zuan ding ihi a, khuasung lampi-ah kahna awging kiza ding hi.

Jeremiah 7:29

“Jerusalem mite aw, na lu uh mettol un. Na sam uh paimang unla, mualtungah va kap un. Bang hang hiam cih leh Topa in hih a gilo khang mite ka nialzo a, ka taisan khinzo hi.

Ezekiel 27:2

“Mihing ahi Ezekiel aw, Taia khuapi tamlawhna kah la khat sa in.

Amos 5:16

Tua ahih ciangin Topa, Vanglian Pasian in hih bangin ci hi: Mihon omna lamkabom khempeuhah mite in na sa-in thumin tau ding uh a, kongzing khempeuhah kap ding uh hi. Khuaneu a mite a thum dingin kisam ding a, a kah siam mite a kap dingin kicial ding hi.

Micah 2:4

Tua bang hun hong tun ciangin mite in note’ gim ngahna thugentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei a hong mante tungah hong piaksak hi,” ci ding uh hi.