Jeremiah 9:15 - Tedim Bible

¹⁵ Tua ahih manin Vanglian Topa, Israel mite’ Pasian in kong cihin-ah: En in, hih mite gamsai-in ka vak ding a, gutui ka dawnsak ding hi.

Tedim Bible Revision 2017

¹⁵ Tua ahih manin Vanglian Topa, Israel miteʼ Pasian in kong cih in ah: En in, hih mite gamsaai-in ka vak dinga, gu tui ka dawnsak ding hi.

Jeremiah 9:15 Referans Kwoze

Jeremiah 8:14

“Tua ciangin mite in, ‘Bang hangin tutu lai ihi hiam? Kikaikhawm unla khuapi muanhuaite va beel ni; tua lai-ah va si ni. Bang hang hiam cih leh Topa’ tungah i mawh manin Topa i Pasian in eite a si dingin hong seh khinzo a, i dawn dingin gu tui hong pia khinzo hi.

Kah la 3:15

Amah in ka ut lohpipi-in tuikha hong dawnsak a, ka duh lohpipi-in an kha a hong nesak hi.

Late 80:5

Nangmah in a an dingun amaute tungah khitui na pia a, amaute’ dawn dingin khitui tampi na pia hi.

Jeremiah 23:15

“Tua ahih manin tua kamsangte tawh kisai-in Vanglian Topa in kong genin-ah: En un, keimah in gamsai teh tawh amaute ka vak ding a, gu kisawh tui amaute ka dawnsak ding hi. Bang hang hiam cih leh Jerusalem khua-a om kamsangte’ kiang panin gam sung mun khempeuhah Pasian zahtak lohna hong kizel hi,” a ci hi.

Mangmuhna 8:11

Tua aksi a min Gamsai hi a, tui sehthumsuah sehkhat gamsai tui suak a, tua tui khasak ahih manin a dawn mi tampi tak a si uh hi.

Kah la 3:19

Gimna ka thuaknate le innlelo nei loin ka omna pen gu-kha bang hi a,

Jeremiah 25:15

Topa, Israel mite’ Pasian in kei hong hopih a, “Ka khuttung panin hehna tawh a kidim hih leenggahzu hai la inla, kong sawlna gamte khempeuh dawnsak in.

Isaiah 2:22

Mihingte muanin nei nawn kei un. Amaute leltak banga simtham ding ahi hiam?

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoihsuk ding hi. Tua ni ciangin Topa bek a lianin kikoih ding hi.

Late 75:8

Bang hang hiam cih leh Topa’ khut sungah leenggahzu a phuan, a kihelkim ngingei hai khat om a, amah in tua sung panin hong bungkhia ding a, leitung migilo khempeuh in a tawdat dong takin a liaktum ding uh hi.

Late 69:21

Amaute in an dingin gu hong pia uh a, ka dangtakna-ah dawn dingin tuithuk hong pia uh hi.

Late 60:3

Nangmah in na mite a haksa na thuaksak khin hi. Ka dawn dingun ko a hong hoisak leenggahzu na hong pia khin hi.

Thu-hilhkikna 29:18

Note lakah numei ahi a, pasal ahi a, innkuan ahi a, minam khat ahi zongin, tua minamte’ pasian a bia dingin Topa i Pasian kiang panin tuni-in a lungsim a heikhia a omkhak ding kidawm un. Tua hikeileh note lakah gu a nei gah kha a gah singkung hong bang ding a, hih kiciamna kammalte za napi-in a lungsimah amah thupha kipia tawmin, ‘Ka lungsim khauhna tawh ka gamta zongin ka suakta veve ding hi,’ a ci hong om kha ding hi. Hih in mihoih le misia, a kibangin phiatkhiatna hong suaksak ding hi.

Thu-hilhkikna 28:36

“Note le na pu na pate un a theih ngei loh minam khat kiangah Topa in note le note tungah na koih uh na kumpipa uh hong tunpih ding a, tua lai-ah singlesuang tawh a kibawl pasian dangte’ na na sem ding uh hi.

Jeremiah 24:10

Namsau tawh kithahna, kialpi, le pulnatnate ka tungsak ding a, amaute le a pu a pate’ kiangah ka piaksa gam sungah khat beek ka nungtasak nawn kei ding hi,” hong ci hi.

Jeremiah 44:27

En un, amaute tungah hoihna tung loin siatna a tun nadingin keimah in ka bawl ding hi. Egypt gamah a om Judah mi khempeuh namsau le kialpi tawh si ding uh a, khat beek a suakta kei ding uh hi.

Jeremiah 49:37

Amaute a that nuam, a galte uh mai-ah Elam mite ka lausak ding hi. Amaute ka thahsiang mateng namsau ka nungdelhsak ding hi.

Ezekiel 5:2

Umcihna lim na man ciangin khuapi lim sungah seh khat haltum in. Tua ciangin seh khat la leuleu inla, khuapi kiimah na paikawmin na namsau tawh satnen in. A omlai seh khat pen huihlakah lawn in. Keimah in ka namsau tawh tuate ka sat ding hi.

Ezekiel 5:12

Note seh thum suah seh khat pen cina le gilkialin khuapi sungah na si ding uh hi. Seh thum suah seh khat, khuapi kiimah namsau-in na si ding uh hi. A omlai seh thum suah seh khat ahihleh mun khempeuhah hong thehthangin namsau tawh kong delh ding hi.