Jeremiah 9:14 - Tedim Bible

¹⁴ amau’ lungsim deihna zui tentanin a pu a pate uh hilhna bangin Baal nung a zuih man uh ahi hi.

Tedim Bible Revision 2017

¹⁴ amauʼ lungsim deihna zui tentanin a pu a pate uh hilhna bangin Baal nung a zuih man uh ahi hi.

Jeremiah 9:14 Referans Kwoze

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna-ah gam khempeuh hong kikhawmin, amaute in amau’ mawhnopna lungsim uh a zui tentan nawn kei ding uh hi.

1 PETER MASA 1:18

Na pu na pate uh nuntakzia, bangmahin a kimang lo nuntakna panin a hong suahtaksak nadingin Pasian in note’ man dingin a piak pen a man a kiam thei ngun le khamte bang hi lo a,

Efesa 2:3

A taktakin eite khempeuh zong amaute mah i bang ngei a, i pianpih lungsim zui-in nungta-in, i pumpi le i lungsim deihna bangin i gamta hi. Tua ahih manin eite khempeuh zong Pasian’ hehna hangin gim a thuak dingte ihi hi.

Galati 1:14

le ka khangualte lakah Jew biakna lamah a makai pen ka hihna thu, le ka pu ka pate uh tang ngeinate a nakkin mahmah ka hihna a kipanin ka pianzia ngeisate khempeuh na zaksa na theihsa uh ahi hi.

Jeremiah 2:8

Siampite in, ‘Topa koi-ah om ahi hiam?’ ci-in dong lo uh hi. Thukham a theite nangawn in kei hong thei lo uh hi. Kei tungah kumpi uliante hong khial khin uh a, kamsangte in Baal min tawh thu genin kimanna a nei lo milimte a bia uh hi.

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

Jeremiah 44:17

Ahih hangin ka ciamsa uh bangin kote, ka pute ka pate, ka kumpite uh le kumpi uliante in Judah gam khuapite le Jerusalem khua kongzing lakah ka hih ngei uh bangin vantung kumpinu kiangah paknamtui halin tuidawn biakna ka hihzaw ding uh hi. Bang hang hiam cih leh ka tuacih uh ciangin an tampi ka nei uh a, hau-in gimna zong ka thuak kei uh hi.

Jeremiah 2:23

Bangci bangin nangmah in, ‘Kei ka nin kei hi. Baal pasian-te’ nung ka zui kei hi,’ bang hangin ci thei ding na hi hiam? Mualkuam zangah a om na lampi totte ento inla, na hihsate mu dih in. A suktai a totai kawikawi kalaoh huk na bang tazen hi.

Jeremiah 11:8

Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial veve uh ahih manin tua sunga thute a vekpi-in ka tungsak ding hi,” hong ci hi.

Jeremiah 13:10

Ka thu hong ngai nuam loin amau’ ngaihsutna bang bekin a pai tentan nuam, pasian dangte’ na a sem ding le a bia dingin a nung a zui hih migilote pen zattheih ding ahi nawn lo, hih dialkaih bang ahi ding uh hi.

Jeremiah 16:12

Note, na pu na pate sangun na siahuaizaw uh hi. Bang hang hiam cih leh en un, note’ utna bang ciat na zui tentan uh a, ka thu nong ngai nuam kei uh hi.

Jeremiah 23:27

A pute a pate un kei’ min hong mangngilhin Baal a biak uh bangin a mangmat uh a gen kawikawina uh tawh ka mite in ka min hong mangngilh ding uh hi, ci-in a ngaihsun uh hi.

Amos 2:4

Topa in hih bangin ci hi: Judah mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak uh hi.

JOB (Job) 9:18

Ka hu nangawn hong sangsak man lo a, lungkhamna tawh kei hong kidimsak hi.

Jeremiah 8:14

“Tua ciangin mite in, ‘Bang hangin tutu lai ihi hiam? Kikaikhawm unla khuapi muanhuaite va beel ni; tua lai-ah va si ni. Bang hang hiam cih leh Topa’ tungah i mawh manin Topa i Pasian in eite a si dingin hong seh khinzo a, i dawn dingin gu tui hong pia khinzo hi.

Jeremiah 23:15

“Tua ahih manin tua kamsangte tawh kisai-in Vanglian Topa in kong genin-ah: En un, keimah in gamsai teh tawh amaute ka vak ding a, gu kisawh tui amaute ka dawnsak ding hi. Bang hang hiam cih leh Jerusalem khua-a om kamsangte’ kiang panin gam sung mun khempeuhah Pasian zahtak lohna hong kizel hi,” a ci hi.

Kah la 3:15

Amah in ka ut lohpipi-in tuikha hong dawnsak a, ka duh lohpipi-in an kha a hong nesak hi.