Jeremiah 9:12 - Tedim Bible

¹² Tua ciangin keimah in, “Hih thu a theitel ding mipil kua om ahi hiam? Hih thu a gentel theih nadingin Topa in kua tungah hilhtel na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?” ci-in ka dong hi.

Tedim Bible Revision 2017

¹² Tua ciangin keimah in, “Hih thu a thei tel ding mipil kua om ahi hiam? Hih thu a gen tel theih nadingin Topa in kua tungah hilh tel na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?” ci-in ka dong hi.

Jeremiah 9:12 Referans Kwoze

Hosea 14:9

Mipil, thu ngaihsun theite in hih thute theitelin limtakin ciamteh tahen. Topa’ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Late 107:43

A pil peuhmah in hih thute don hen la, Topa’ itna kip lungngaingai tahen.

Thu-hilhkikna 32:29

Amaute a pil hileh, hih thu theitel ding uh a, amau’ thu tawpna mu ding uh!

Mangmuhna 1:3

Hih laibu a sim mite mi hampha hi a, hih thu kigente ngai-in, hih laibu sungah a kigelh thu a zuite zong mi hampha mah ahi uh hi. Bang hang hiam cih leh hih thu kigente a tun ding hun hong naita hi.

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuh’ cihnopna thei ta un),

Ezekiel 14:23

Amaute’ gitlohna zia na muh ciangin ka hihnate khempeuh a kilawm mah ahihna na phawk ding hi. Topa Pasian in thu hong gen khinta hi,” a hong ci hi.

Isaiah 42:23

Note lakah khat peuhpeuh in hih thu na ngai ding uh hiam? Tu a kipanin limtakin na ngai ding uh hiam?

Jeremiah 9:20

Tua ciangin keimah in, “No numeite aw, Topa’ kammal ngai dih un. A kam pana hong gingkhia thu na bil uhah lutsak un. Na tanute uh a kah dan ding hilh unla, na inn vengte ciat uh kah la hilh un.

Jeremiah 23:10

Bang hang hiam cih leh mun khempeuhah angkawmte a dim hi. Topa’ hamsiatna hangin gam sung tengah kahna dim a, gamlak lonona munte a keu mang hi. Amaute gamtatsia uh a, a vangliatna uh a man lopi-in a zang uh hi.

Jeremiah 23:16

Vanglian Topa in, “Note kiangah thu hong hilh a, a hong lamen khialsak kamsangte’ thugennate na ngai kei un. Amaute in a lungsim uhah a geeltawm uh thu hong gen uh hi a, keima kiang pana hong pai thu ahi kei hi.

Jeremiah 23:22

Ahih hangin amaute in keima lungsim tawng hong thei uh hileh keima thugente ka mite tungah taangko ding uh a, a nuntakna uh a hoih lote panin kikhelsakin, a gamtat hoih lote uh panin zong kikhelsak khinzo ding uh hi.

Jeremiah 23:28

Kamsangpa in mang a mat leh a mang bek mah gen hen la, ahih hangin ka thugenna a za mipa in ka thugente mah mantakin gen tahen. Buhtu le buhtang bangci kibat theih ding ahi hiam, Topa in kong ci hi.

Joel 1:11

Lokhote aw, dah un; leenggui ciingte aw, kap un; mangbuh le mangbuhham, lo an khempeuh a beita hi.

Zefaniah 3:6

Topa in hih bangin thu gen a, “A kiphasak mite ka nilkhia a, a gal panmunte uh ka susia hi. A kongzing lampite uh ka kinusiacipsak a, tua lampi kuamah in tawn nawn lo hi. A khuapi uh kisia gawpin kinusia a, a sungah kuamah om nawn lo hi.

Hosea 4:10

Amaute, pasian dangte a bia dingin kei kiang panin kiheikhia uh ahih manin biakpiakna a sa tanhte uh a nek hangun a gil uh vah tuan lo ding hi. Mi punna ding deihna-in biakpiakna-in numei tawh mawhna a bawl uh hangin mi pung tuan lo ding hi.