Jeremiah 8:9 - Tedim Bible

⁹ Na mipilte uh maizum ding uh a, lungmangin a cih nading a thei kei ding uh hi. En un, amaute in Topa’ thu nial uh hi. Bang pilna nei nawn ahi uh hiam?

Tedim Bible Revision 2017

⁹ Na mipilte uh maizum ding uh a, lungmangin a cih nading a thei kei ding uh hi. En un, amaute in Topaʼ thu nial uh hi. Bang pilna nei nawn ahi uh hiam?

Jeremiah 8:9 Referans Kwoze

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site’ lak mahah amaute zong si ding uh a, gim ka piak ni ciangin a kilawnkhia ding uh hi,” Topa in hong ci hi.

JOB (Job) 5:12

Amah in migilote’ geelna suksiatsak ahih manin amaute in a ngimna uh tangtun thei lo uh hi.

Jeremiah 6:19

Leitung aw, ngai in! En un, hih mite tungah a thuak ding mahun a kilawm siatna ka tungsak ding hi. Bang hang hiam cih leh ka thu hong ngai lo uh a, ka thukhamte a nial uh hi.

Isaiah 19:11

Zoan uliante hai cihtakin hai uh a, Faro’ mipil thu lamlakte in thu haihuai gen uh hi. Nang in Faro’ tungah, “Mipil pa’ tapa ka hi hi; tanglai kumpite’ tapa ka hi hi,” bangci-in ci thei ding na hi hiam?

Late 19:7

Topa’ thu kicing a, nuntakna a thaksuaksak hi. Topa’ teci panna hi takpi a, mi pillote pilsak hi.

Thu-hilhkikna 4:6

Tuate zui unla, sem un; bang hang hiam cih leh hih thukhamte khempeuh a zak uh ciangin, ‘Hih minam liante pen a pil thuthei taktak hi,’ a ci ding uh mite’ muhna-ah hih thu pen nomau’ pilna le nomau’ theihna hi ding hi.

2 TIMOTI NIHNA 3:15

Khrih Jesuh upna hangin hotkhiatna a hong ngahsak thei ding pilna a hong pia Lai Siangtho pen na neutung a kipanin a theisa na hihna thu zong na theihsa thu mah ahi hi.

Ezekiel 7:26

Lungkhamna khat khit khat a banbanin na tuak ding uh a, thusia bekbek na zaza ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.

Jeremiah 49:7

Edom gam tawh kisai-in Vanglian Topa in a genin-ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh beita ahi hiam?

Isaiah 8:20

Tua ciangin note in, “Topa in note hong hilh thute ngai un. Aisante’ thu ngai kei un. Amaute’ hong gen thute a kimanna om lo hi,” ci-in dawng un.

2 KUMPI NIHNATE 17:15

Amaute in ama thukhamte, le a pu a pate uh tawh a bawl a thuciamna, le amaute tungah a piak hilhkholhnate simmawh uh hi. Amaute in a mawkna milimte zui-in a mawkna suak uh a, amaute tawh kibangin gamta kei un ci-in Topa in a thupiak tawh kisai-in, amaute in amau’ kiima om minamte zui uh hi.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Jeremiah 15:6

Nangmah in kei nong taisanzo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ipzo nawn kei hi.

Jeremiah 19:7

Hih munah Judah mite le Jerusalem mite’ ngimna ka tangtungsak kei ding a, a galte uh’ namsau le a thatnuamte’ khutlumin amaute ka sisak ding hi. Amau’ luanghawmte huihlaka leeng vasate le leilak ganhingte’ an dingin ka pia ding hi.

Amos 2:4

Topa in hih bangin ci hi: Judah mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak uh hi.

Zekhariah 13:4

Tua ni hong tun ciangin kamsangte in a maangmuh theihna uh kisialhpih ngam nawn loin, kamsangte bangin zong puan silh ngam nawn loin, kamsang zong kineih ngam nawn lo ding uh hi.

JOB (Job) 5:13

Amah in migilote amau’ gitlohna mahah awksak a, ngian a zangte’ geelna zong a lumletsak hi.

Isaiah 43:27

Na pu na pa masate uh na khial uh a, na makaite uh zong kei tungah hong khial uh hi.

Jeremiah 2:8

Siampite in, ‘Topa koi-ah om ahi hiam?’ ci-in dong lo uh hi. Thukham a theite nangawn in kei hong thei lo uh hi. Kei tungah kumpi uliante hong khial khin uh a, kamsangte in Baal min tawh thu genin kimanna a nei lo milimte a bia uh hi.